Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögn og texta skilaði 25089 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Antoine Semenyo hefur skrifað undir samning við Manchester City til 2031. Ganverski kantmaðurinn kemur frá Bournemouth. Hann hefur leikið frábærlega á tímabilinu en sagði við undirskriftina að hann ætti enn eftir að toppa sig á ferlinum og spila enn betur. Semenyo er 26 ára en City kaupir hann á 65 milljónir punda, sem var riftunarákvæði í samningi hans.
Jón Björgvin Jónsson er genginn í raðir Víkings Ólafsvíkur frá Stjörnunni, en hann gerir tveggja ára samninga við Ólsara.
Afturelding hefur nælt sér í öflugan markvörð fyrir komandi tímabil en Kristján Hjörvar Sigurkarlsson er kominn til félagsins frá Kára á Akranesi.
Birta Georgsdóttir er gengin í raðir ítalska félagsins Genoa en hún kemur þangað frá Íslands- og bikarmeisturum Breiðabliks. Fótbolti.net greindi frá áhuga Genoa á Birtu fyrr í þessari viku. Birta, sem er 23 ára gamall sóknarmaður, var besti leikmaður Íslandsmótsins í sumar og hefur alls unnið fjóra stóra titla hjá Breiðabliki á fimm tímabilum í Smáranum. Hún kom að 25 mörkum á liðnu tímabili.
Júlíus Mar Júlíusson hefur verið keyptur til norska félagsins Kristiansund frá KR. Júlíus mun því leika í norsku úrvalsdeildinni á komandi tímabili. Júlíus heldur til Noregs í næstu viku. Hann er 21 árs miðvörður sem keyptur var til KR fyrir rúmu ári frá uppeldisfélaginu Fjölni. Hann spilaði alls 25 leiki fyrir KR og var varafyrirliði liðsins. Hann lék 16 leiki í Bestu deildinni á liðnu tímabili og bar fyrirliðabandið í nokkrum þeirra. Hann er U21 landsliðsmaður, hefur spilað þrjá leiki fyrir U19 og þrjá fyrir U21.
Kristinn Ásgeir Þorbergsson er genginn í raðir Ægis en hann kemur frá nágrönnunum í Árborg. Hann á að baki meistaraflokksleiki með KFR, Hamri, Selfossi og Árborg. Hann er 22 ára sóknarmaður sem hefur skorað 70 mörk í 142 KSÍ leikjum. Hann skoraði 17 mörk í 18. leikjum i 4. deidinni síðasta sumar. Hann endaði sem næstmarkahæsti leikmaður deildarinnar á eftir Bjarka Sigurjónssyni í KÁ. Hann er annar leikmaðurinn sem Ægir, sem er nýliði í Lengjudeildinni, krækir í þennan veturinn. Markús Máni Jónsson kom frá Víði Garði milli jóla og nýárs.
Andrea Rut Bjarnadóttir hefur gengið til liðs við Anderlecht í Belgíu frá Íslandsmeisturum Breiðabliks. Hún var kynnt sem leikmaður liðsins fyrir skömmu. Hún mun klæðast treyju númer sjö hjá félaginu. <i>„Þegar þetta tækifæri kom upp var ákvörðunin auðveld. Anderlecht er lið á hæsta stigi og það er nákvæmlega þar sem ég vil vera sem leikmaður,“</i> er haft eftir Andreu í tilkynningu félagsins. Hjá Anderlecht mun hún endurnýja kynnin við gamla liðsfélaga sinn hjá Breiðabliki, Vigdísi Lilju Kristjánsdóttur. Liðið er sem stendur í öðru sæti belgísku úrvalsdeildarinnar, tveimur stigum á eftir Leuven.
Arnaud Kalimuendo er genginn til liðs við Frankfurt á láni frá Nottingham Forest. Það er kaupmöguleiki í samningnum en þýska félagið getur keypt hann fyrir 23,5 milljónir punda.
Fyrrum atvinnu- og landsliðsmaðurinn Alfreð Finnbogason hefur verið ráðinn sem yfirmaður fótboltamála hjá norska félaginu Rosenborg. Hann kemur til félagsins eftir að hafa starfað hjá Breiðabliki í um eitt og hálft ár sem tæknilegur ráðgjafi. Samningur hans við Rosenborg mun gilda til ársins 2030.
Ólafur Kristjánsson og Lúðvík Gunnarsson munu stýra U21 landsliðinu í þeim leikjum sem eftir eru í yfirstandandi undankeppni. KSÍ hefur ákveðið að nota bráðabirgðalausn með starfsmönnum innanhúss. Ólafur er aðstoðarþjálfari kvennalandsliðsins og Lúðvík hefur verið aðstoðarmaður U21 landsliðsins og þjálfari U17. Ólafur Ingi Skúlason lét af störfum á liðnu ári sem U21 landsliðsþjálfari til að taka við Breiðablki. Íslenska liðið er í fjórða sæti af sex liðum þegar undankeppnin er hálfnuð en næstu leikir eru í mars. Leikirnir í mars skarast á við verkefni hjá U17 og mun Ómar Ingi Guðmundsson, þjálfari U15, stýra U17 liðinu í fjarveru Lúðvíks í því verkefni.
FC Twente er búið að staðfesta ráðningu á Hollendingnum Erik ten Hag sem tæknilegum stjóra félagsins.
Sameinað lið Grindavíkur og Njarðvíkur er búið að krækja sér í bandarískan markvörð sem kemur úr röðum Tampa Bay Sun. Sú heitir Lauren Kellett og verður 24 ára gömul í febrúar.
Jonny Evans er kominn aftur til Manchester United sem partur af þjálfarateymi Darren Fletcher.
Englendingurinn Liam Rosenior er tekinn við sem stjóri Chelsea. Hann skrifar undir samning til ársins 2032. Rosenior tekur við af Ítalanum Enzo Maresca sem lét af störfum á nýársdag. Rosenior kemur til Chelsea frá Strasbourg en félagið er í eigu BlueCo líkt og Chelsea.
Martin O'Neill er tekinn við stjórn á Skotlandsmeisturum Celtic sem bráðabirgðaþjálfari út tímabilið.
Það er nýtt ár gengið í garð og stemningin mikil. Hér að neðan má sjá lista yfir 20 vinsælustu fréttir Fótbolta.net í síðustu viku, raðað eftir hversu oft þær eru lesnar.
Skoska stórliðið Celtic hefur sagt upp franska þjálfaranum Wilfreid Nancy. Hann hefur aðeins verið með liðið í rúman mánuð en gengið hefur ekki verið ásættanlegt. Sá franski stýrði liðinu í átta leikjum og tapaði sex þeirra. Nancy tók við stjórnartaumunum 4. desember og leysti af Martin O'Neil, sem hafði verið ráðinn bráðabirgðastjóri eftir að Brendan Rodgers sagði óvænt af sér. Liðið vann sjö af átta leikjum undir stjórn O'Neil. Celtic situr í 2. sæti skosku deildarinnar, sex stigum á eftir toppliði Hearts. Liðið tapaði fyrir erkifjendunum í Rangers um helgina og reyndist það vera dropinn sem fyllti mælinn. Nancy kom til Celtic frá bandaríska félaginu Columbus Crew en hann vann tvo titla við stjórnvölin hjá félaginu. Þá var hann þjálfari ársins í fyrra.
West Ham hefur opinberlega kynnt sóknarmanninn Valentin 'Taty' Castellanos sem nýjan leikmann liðsins. Hann kemur frá Lazio og gerði fjögurra og hálfs árs samning með möguleika á framlengingu um ár til viðbótar. Þessi 27 ára leikmaður gekk í raðir Lazio 2023 og lék 98 leiki, skoraði 22 mörk og átti 16 stoðsendingar.
Hinn 19 ára gamli Cole Campbell hefur verið lánaður innan Þýskalands frá Borussia Dortmund til Hoffenheim. Lánið er út tímabilið en í sammingnum er klásúla um möguleg kaup. Campbell spilaði með FH og Breiðabliki hér á landi en hann gat valið á milli þess að spila með íslenska og bandaríska landsliðinu og valdi að lokum það síðarnefnda. Hann fæddist í Houston, Texas, en móðir hans er íslensk. <i>„Cole er hæfileikaríkur kantmaður sem getur bætt sig enn frekar. Við höfum fylgst grannt með honum í nokkuð langan tíma. Hann er með hraða og gæði einn gegn einum. Hann getur verið notaður á ýmsan hátt á vængjunum,"</i> segir Andreas Schicker, íþróttastjóri Hoffenheim.
Búið er að reka Ruben Amorim frá Manchester United. Það er David Ornstein hjá <i>The Athletic</i> sem greindi fyrst frá. Félagið staðfesti tíðindin svo klukkan 10:08. Amorim var stjóri félagsins í 14 mánuði, kom frá Sporting í Portúgal og tók við af Erik ten Hag. Hann hitti þá Jason Wilcox og Omar Berrada í morgun og þeir tjáðu honum tíðindin. Ornstein segir að Darren Fletcher, fyrrum leikmaður félagsins, taki við til bráðabirgða og líkur séu á því að félagið ráði ekki stjóra til frambúðar fyrr en næsta sumar. Fletcher hefur starfað sem U18 þjálfari hjá félaginu. Gengi United undir stjórn Amorim var ekki gott, sigurhlutfallið var undir 40%. Eftir jafnteflið gegn Leeds í gær hélt Amorim undirbúna ræðu um að hann hefði komið til United til að vera stjóri félagsins, ekki þjálfari liðsins. Líklegt er að þau ummæli hafi ekki fallið vel í kramið hjá ráðamönnum hjá félaginu. United situr í 6. sæti úrvalsdeildarinnar með 31 stig eftir 20 umferðir. Liðið endaði í 15. sæti deildarinnar á síðasta tímabili og tapaði í úrslitaleik Evrópudeildarinnar. Í tilkynningu United er sagt að þeir sem leiði félagið telji ákvörðunina þá réttu á þessum tímapunkti og að hún eigi að gefa liðinu besta möguleikann á því að enda eins ofarlega og hægt er í úrvalsdeildinni í vor. Fletcher mun stýra liðinu gegn Burnley í næsta leik.