ÍH tryggði sér í dag toppsæti riðils 4 í C-deild Lengjubikarsins með öruggum sigri gegn Stál-úlfi.

Hilmar Ástþórsson setti fyrstu tvö mörk leiksins í fyrri hálfleik og gerðu liðsfélagar hans endanlega út um Stál-úlf með tveimur mörkum í síðari hálfleik.

ÍH lýkur keppni með fullt hús stiga. Stál-úlfur endar í þriðja sæti með fjögur stig.

ÍH er því komið í úrslitakeppnina ásamt Árborg og Mídas. Ýmir verður að öllum líkindum fjórða liðið til að komast í undanúrslitin, liðinu nægir stig gegn Úlfunum til að tryggja toppsæti riðilsins.