Famara Diedhiou, sóknarmaður Bristol City sem leikur í ensku Championship-deildinni, hefur verið dæmdur í sex leikja bann fyrir að hrækja á andstæðing.
Þessi senegalski landsliðsmaður var fundinn sekur um að hrækja á leikmann Birmingham í leik liðanna þann 10. apríl síðastliðinn. Diedhiou hafði neitað sök í málinu, en eftir að aganefnd skoðaði málið hefur hann verið dæmdur í bann.
Þessi senegalski landsliðsmaður var fundinn sekur um að hrækja á leikmann Birmingham í leik liðanna þann 10. apríl síðastliðinn. Diedhiou hafði neitað sök í málinu, en eftir að aganefnd skoðaði málið hefur hann verið dæmdur í bann.
Hinn 25 ára gamli Diedhiou gekk í raðir Bristol frá Angers í Frakklandi síðasta sumar og varð þar með dýrasti leikmaður í sögu félagsins. Hann skoraði 13 mörk í Championship-deildinni á jómfrúartímabili sínu, en hann verður í banni í fyrstu sex leikjum næsta tímabils.
Bristol City hefur gefið út yfirlýsingu þar sem félagið lýsir yfir óánægju sinni með bannið. Félagið stendur þétt við bakið á sóknarmanninum.
Hörður Björgvin Magnússon er á mála hjá Bristol City ásamt Diedhiou.
Athugasemdir