Sigurður er í viðræðum við erlent knattspyrnusamband en hefur ekki viljað gefa upp hvaða samband er um að ræða en samkvæmt okkar heimildum er það ástralska sambandið.

Rúnar Kristinsson vill fá Sigurð sem aðstoðarmann hjá Lilleström í Noregi. Sigurður mun ákveða sig á næstu dögum.

„Þetta er mjög erfið ákvörðun og núna þarf ég að velja á milli," sagði Sigurður Ragnar við Fótbolta.net nýlega.

Hann stýrði ÍBV í sumar en þar á undan gat hann sér gott orð sem fræðslustjóri KSÍ og þjálfari kvennalandsliðsins.