SKÝRSLAN: Skagamenn halda sér á lífi í botnbaráttunni
Hvað réði úrslitum?
Leikurinn byrjaði jafn en eftir að Skagamenn komust yfir á 24.mínútu leiksins þá tóku Skagamenn yfir leikinn og silgdu þessum sigri þrátt fyrir að Leiknismenn náðu að minnka muninn.
Bestu leikmenn
1. Viktor Jónsson (ÍA)
Viktor Jónsson átti góðan leik í sóknarleik Skagamanna í dag. Skoraði og lagði upp tvö mörk í dag.
2. Gísli Laxdal Unnarsson (ÍA)
Var mjög góður á kanntinum hjá Skagamönnum í dag. Þegar hann fékk boltann þá ógnaði hann sífellt með hraða sínum.
Atvikið
Vítaspyrnudómurinn - Steinar Þorsteinsson fékk boltann hægramegin og átti fyrirgjöf á Viktor og Dagur Austmann togar Viktor bara niður í teignum. Rosalega klaufalegt hjá Degi Austmann.
Hvað þýða úrslitin?
Skagamenn halda sér á lífi í fallbaráttunni í deildinni en liðið er enþá á botni deildarinnar en liðið er stigi á eftir Fylkismönnum sem sitja í næst neðsta sæti deildarinnar og tveimur stigum á eftir HK sem sitja í því 10. Leiknismenn sitja áfram í áttunda sæti deildarinnar með 22.stig
Vondur dagur
Emil Berger átti slæman dag inn á miðjunni hjá Leiknismönnum en hann átti margar misheppnaðar sendingar og reyndi nokkrum sinnum skot á mark Skagamanna en öll fóru þau í varnarmann.
Dómarinn - 8
Vilhjálmur Alvar og félagar voru solid í dag. Vítaspyrnudómurinn þegar Brynjar Hlöðversson braut á Viktori var hárréttur dómur.