SKÝRSLAN: Fjölnismenn stálu sigrinum í Þorpinu
Hvað réði úrslitum?
Fjölnismenn stóðu af sér góða byrjun Þórsara og náðu að refsa í síðari hálfleik. Gríðarlega mikilvægt sigurmark.
Bestu leikmenn
1. Sigurjón Daði Harðarson
Markvörður Fjölnis sá til þess að staðan var jöfn í hálfleik og stóð fyrir sínu í öllum leiknum milli stanganna.
2. Guðmundur Karl Guðmundsson
Skoraði mikilvægt sigurmark. Mikilvægur sigur fyrir Fjölni þar sem Afturelding missteig sig í kvöld.
Atvikið
Það ætlaði allt um koll að keyra eftir tæplega hálftíma leik þegar Vilhjálmur Yngvi Hjálmarsson braut á Ingimar Arnari. Helgi Mikael gerði hárrétt þar og dæmdi gult á Vilhjálm.
Hvað þýða úrslitin?
ÍA og Afturelding misstigu sig í kvöld og Fjölnir aftur komið upp í 2. sætið og er sjö stigum á eftir toppliði Aftureldingar. Það er stutt á milli í þessari deild, Þór hefði með sigri verið í 7. sæti með jafn mörg stig og Grótta sem situr í 5. sæti en liðið er í staðin í 8. sæti þremur stigum frá fallsæti.
Vondur dagur
Þórsarar byrjuðu leikinn gríðarlega vel. Pressuðu Fjölnismenn hátt og komu sér í góðar stöður en vantaði upp á síðasta þriðjungnum. Fannar Daði komst í góðar stöður en fór illa með tækifærin.
Dómarinn - 8
Helgi Mikael var með mjög góð tök á leiknum. Hefði auðveldlega geta farið í háaloft en hann dæmdi þetta virkilega vel.