SKÝRSLAN: Iðnaðarsigur Þórs/KA í Kaplakrika
Hvað réði úrslitum?
Þór/KA kom sér í góðar stöður og hefðu hæglega getað skorað fleiri mörk en færanýtingin var ekki sú besta í dag. FH fékk 14 hornspyrnur í leiknum og kom nánast ekkert færi úr þeim spyrnum. Var það einmitt sögulína leiksins, Þór/KA áræðnari og skipulagðari. Þegar FH komust í færi þá var Melissa búin að harðlæsa markinu og engin leið að koma boltanum í netið.
Bestu leikmenn
1. Melissa Anne Lowder
Melissa greip ótal marga bolta og átti frábærar vörslur í dag. Geggjaður leikur hjá henni, auðvelt val á manni leiksins.
2. Karen María Sigurgeirsdóttir
Karen María skorar eina mark leiksins upp á sitt einsdæmi, vinnur boltann af Hörpu Helgadóttur og klárar færið vel.
Atvikið
Eina mark leiksins sem Karen skoraði var líklega hápunktur leiksins, ekki mikið um að velja í þessum leik.
Hvað þýða úrslitin?
Liðin skipta um sæti við hvort annað.
Þór/KA fer upp í 4. sætið en FH niður í það 5.
Vondur dagur
Harpa Helgadóttir var heldur kærulaus með boltann fyrir framan mark FH og Karen María nýtti sér það í eina marki leiksins.
Dómarinn - 7
Tomasz Piotr Zietal og aðstoðarmenn hans voru bara flottir í dag, engin stór mistök sem ég tók eftir.