Allt til reiðu! Góða skemmtun!

Innslag frá Gunna Birgis og Freysa

Gunni Birgis og Freyr Alexandersson komu með innslag frá vellinum í Berlín ???????? pic.twitter.com/WPUSrFqLdc

— RÚV Íþróttir (@ruvithrottir) July 14, 2024

Vilhjálmur Bretaprins

LIÐIN GANGA TIL VALLAR! Veislan er að hefjast, þjóðsöngvarnir eru handan við hornið. Við minnum á að leikurinn er að sjálfsögðu sýndur beint á RÚV og hægt er að nálgast útsendinguna með því að smella hér. Höddi Magg og Kjartan Henry sem sjá um að lýsa.

Enska sambandið vill halda Southgate
Southgate nýtur enn stuðnings æðstu manna enska sambandsins sem vilja að hann stýri Englandi á HM 2026. Southgate ýjaði að því fyrir EM að hann þyrfti að láta af störfum ef England myndi ekki tryggja sér Evrópumeistaratitilinn. Þá fékk hann í upphafi móts gríðarlega harða gagnrýni frá stuðningsmönnum og sparkspekingum.

Southgate fékk hinsvegar hrós fyrir ákvaðarðanatökur sínar í sigrinum gegn Hollandi í undanúrslitum. Hann setti Ollie Watkins inn af bekknum og skoraði enski sóknarmaðurinn frábært sigurmark í lokin.

Southgate hefur áður stýrt Englandi í undanúrslitin á HM 2018, átta liða úrslit 2022 og í úrslitaleik EM 2020 þar sem liðið tapaði gegn Ítalíu í vítakeppni.

Landsliðsþjálfari Spánverja
Það var ekki talin spennandi ráðning þegar Luis de la Fuente tók við spænska landsliðinu. Hann hafði stýrt U19 og U21 landsliði Spánar. En hann hefur svo sannarlega boðið upp á stórskemmtilegan fótbolta og þegar búinn að skila titli í hús. Spánn vann Þjóðadeildina á síðasta ári.

Kanslarinn er á staðnum
Olaf Scholz kanslari Þýskalands.

Er hann að koma heim?

Viktor Orban mættur í heiðursstúkuna
Hinn umdeildi forseti Ungverjalands er mættur í heiðursstúkuna. Er gríðarlegur fótboltaáhugamaður og ekkert óvænt að hann sé mættur.

Valur Gunnarsson spáir 1-0 sigri Spánar
Hjartað í mér segir England en heilinn í mér segir Spánn þannig að ég spái 1-0 spænskum sigri. Markið kemur undir lokin. Fólk verður byrjað að gíra sig í framlengingu þegar Dani Olmo brýtur hjörtu allra Englendinga á vellinum sem taka tapinu af stóískri ró.

Afmælisbarnið Gunnar Birgisson
Fótbolti.net sendir allra bestu afmæliskveðjur á Gunnar Birgisson íþróttafréttamann RÚV sem er staddur á leiknum í Berlín. Gunnar spáir veisluleik.

„Þetta verður úrslitaleikur sem verður lengi í minnum hafður, gæði gæði gæði. Ég sé fyrir mér Spánverjana komast yfir í tvígang en England jafnar í seinna skiptið á 90 mínútu. Yamal klárar dæmið í framlengingu," segir Gunnar sem spáir 3-2 sigri Spánar.

Yamal var tólf ára þegar Covid braust fram
„Ég var að tala við Declan Rice og hann var að tala um hversu magnaður Lamine Yamal væri og sagði að það væri ótrúlegt að hugsa til þess að hann hafi bara verið tólf ára þegar Covid braust fram. Hann er svo ungur og hæfileikaríkur. Sem fótboltaáhugamaður er ég spenntur að sjá hann. Sem stuðningsmaður Englands er ég áhyggjufullur," segir enski íþróttafréttamaðurinn Henry Winter.

Besta liðið gegn því vinsælasta
„Það fer eftir því hvort leikurinn verði spilaður á forsendum Spánverja eða Englendinga hvort þetta verði skemmtilegur leikur. Ef hann verður spilaður eftir forsendum Englendinga gæti hann verið þungur, hægur og leiðinlegur. Ég vona að Spánverjarnir nái að keyra upp hraðann og þá þurfa Englendingar að fylgja með. Þetta er besta liðið á móti því vinsælasta," segir Óskar Hrafn Þorvaldsson sem segist hægt að dást að andlegum styrk og þrautseigju Englendinga. Óskar er meðal sérfræðinga í beinni útsendingu á RÚV.

Byrjunarlið Englands - Luke Shaw byrjar Luke Shaw kemur inn í byrjunarliðið í stað Kieran Trippier og byrjar sinn fyrsta leik á mótinu. Það er eina breytingin hjá Englandi og þýðir að fyrir aftan fyrirliðann Harry Kane eru áfram Jude Bellingham og Phil Foden. Bukayo Saka er hægri vængbakvörður og Marc Guehi is er í miðvarðalínunni með John Stones og Kyle Walker.

Freyr Alexandersson um EM

Hvað finnst Freysa um EM? Freyr Alexandersson og Gunni Birgis eru úti í Berlín fyrir úrslitaleik EM ???????? pic.twitter.com/q1vYa0kROI

— RÚV Íþróttir (@ruvithrottir) July 14, 2024

Afmælisbarn gærdagsins byrjar að sjálfsögðu
Dani Olmo sem er meðal markahæstu manna á EM með þrjú mörk er áfram í byrjunarliðinu og þá er Alvaro Morata klár í slaginn og byrjar. Lamine Yamal, sem hélt upp á sautján ára afmæli sitt í gær, byrjar.

Tvær breytingar á byrjunarliði Spánar Luis de la Fuente landsliðsþjálfari Spánar er ekkert að láta fólk bíða og er búinn að opinbera byrjunarlið sitt. Eins og margir bjuggust við gerir hann tvær breytingar frá sigrinum gegn Frakklandi í undanúrslitum. Robin Le Normand og Dani Carvajal voru í banni í þeim leik en koma báðir inn. Jesus Navas og Nacho Fernandez fara því á bekkinn.

Hver var Henri Delaunay?
Barist er um Henri Delaunay bikarinn sem er skírður eftir fyrsta framkvæmdastjóra UEFA, manninum sem fékk hugmyndina að Evrópumótinu. Hann lét lífið áður en fyrsta mótið var haldið 1960. Sonur hans, Pierre, hafði yfirumsjón með því að hanna bikarinn. Fyrir EM 2008 var bikarinn endurhannaður og stækkaður svo aðrir nýrri bikarar skyggðu ekki á hann.

Lykilbardagarnir sem eru framundan BBC skoðaði nokkra lykilbardaga sem gætu ráðið úrslitum inni á vellinum í þessum spennandi úrslitaleik sem framundan er.

   12.07.2024 16:30

Fimm lykilbardagar í úrslitaleik EM á sunnudag

Tapírinn spáir sigri Spánar
Eins og venja er þá eru mis getspök dýr látin spá fyrir um úrslit leikja á stórmótum í fótbolta.

Nú er það hinsvegar brasilíski kvenkyns tapírinn Khao Knong sem vekur mesta athygli. Hún er 21 árs og átta mánaða gömul og býr í dýragarði í Tælandi.

Hún hefur spáð fyrir um úrslitin í sjálfum úrslitaleiknum á sunnudag, viðureign Spánar og Englands.

Þjóðfánar beggja liða voru hengdir á tvær markstangir og hver um sig var með laufum og ýmsum ávöxtum. Khao Knong valdi að borða við spænska fánann og spáir þar með Spánverjum sigri.

Hitað upp við EM hringborðið Hlaðvarpsþáttur þar sem fréttamenn og sérfræðingar Fótbolta.net hita upp fyrir sjálfan úrslitaleikinn.

   11.07.2024 13:04

EM hringborðið - Efnilegar stórstjörnur og spennandi úrslitaleikur

Englendingar þrá sigur England hefur ekki unnið stórmót í fótbolta síðan 1966. Kemur fótboltinn heim í kvöld?

   14.07.2024 11:00

Kane: Myndi skipta út öllu sem ég hef afrekað til að sigra

Lesendur Fótbolta.net spá sigri Spánar

EM stemningin í Berlín gríðarleg Það ríkir mikil eftirvænting í Berlín og sumir stuðningsmenn byrjuðu upphitun ansi snemma.

Hvernig fer leikurinn? Spámenn Fótbolta.net eru Gunnar Birgisson og Jóhann Páll Ástvaldsson, íþróttafréttamenn á RÚV, en þeir hafa báðir verið frábærir í umfjöllun í kringum mótið. Valur Gunnarsson spáir fyrir hönd Fótbolta.net fyrir þennan úrslitaleik.

   14.07.2024 16:00

EM spáin - Hjartað segir England en heilinn segir Spánn

Frakki með flautuna
Dómari: François Letexier FRA
Aðstoðardómari 1: Cyril Mugnier FRA
Aðstoðardómari 2: Mehdi Rahmouni FRA
Fjórði dómari: Szymon Marciniak POL
VAR dómari: Jérôme Brisard FRA

   11.07.2024 10:42

Óvænt val á dómara í úrslitaleiknum

Úrslitastund á Ólympíuleikvangnum í Berlín
Heil og sæl! Hér fylgjumst við með úrslitaleik Spánar og Englands á Evrópumótinu í fótbolta en leikið er á Ólympíuleikvangnum í Berlín.

Þetta er sögufrægur leikvangur sem var reistur í tilefni Ólympíuleikana þar í borg 1936 en Adolf Hitler fyrirskipaði að reistur yrði nýr leikvangur. Árin 2000-2004 fóru fram viðamiklar breytingar og endurnýjun. Nýtt þak var sett upp allan hringinn.

Leikið var á vellinum á HM 2006. Þar fór meðal annars fram úrslitaleikur Ítalíu og Frakklands þar sem Ítalía vann eftir vítaspyrnukeppni.