Furðulegur leikur í alla staði. Víkingar sáttir enda í deildarkeppni Sambandsdeildarinnar, Fór lítil orka í þetta sem gæti komið sér vel í framhaldinu.

Sem betur fer er það ekki meira.

Molina með skot beint á Ingvar sem leiðist þófið og slær boltann í horn.

Djuric með lipra takta og lyftir boltanum inn á teiginn. Viktor tekur hlaupið inn á teiginn og nær skallanum en setur boltann framhjá.

Bakkali við það sleppa í gegn en flaggið fer á loft.

Heimamenn vinna horn. Chete með skalla eftir hornið en boltinn hvergi nærri markinu.

Tarik með boltann fyrir, Niko fyrstur í hann en skalli hans framhjá markinu.

Ekroth og Atilla dómari deila vatnsflösku á meðan hugað er að Valdimar.

Hægt, kraftlítið og ekkert sérlega fjörugt.

Víkingar gerðu tvöfalda breytingu í hálfleik.

Staðan er markalaus...... Mikið meira er hreinlega ekki hægt að segja um þennan fyrri hálfleik. Víkingum er samt örugglega nokkuð sama.

Þremur mínútum bætt við þennan fyrri hálfleik.

Þeir eru að missa hausinn heyrist í Arnari Gunnlaugssyni í útsendingu Stöðvar 2 sport.

Bolivar með hörkuskot sem fer af varnarmanni og í horn.

Virgili fær boltann við vinstra vítateigshorn eftir sendingu frá Bolivar. Nær fínasta skoti en boltinn rétt framhjá.

Bilal El Bakkali keyrir upp völlinn eftir kæruleysislega sendingu Víkinga. Hann kemst inn á teiginn og á skot en talsvert framhjá.

Enn er óljóst hvar Víkingur mun spila heimaleiki sína í deildarkeppni Sambandsdeildarinnar en leikið verður frá byrjun október til jóla. Líklega verður ekki hægt að spila á Laugardalsvelli og samkvæmt heimildum Fótbolta.net hefur mest verið horft í tvo kosti fyrir heimaleiki Víkinga, heimavöll Breiðabliks í Kópavogi og heimavöll Fram í Úlfarsárdalnum.

   29.08.2024 18:00

Laugardalsvöllur mögulega ekki klár fyrir Víkinga og leitað lausna með heimavöll

Víkingar alls ekki að fullu gasi hér þessar fyrstu 20 mínútur. Lítil ákefð í þeirra leik og eru eiginlega bara lítið í boltanum.

Niko er í brasi og er sestur á völlinn, áhyggjuefni fyrir Víkinga fyrir leikinn á sunnudag gegn Val.

Jorge Bolívar með fyrsta skot leiksins. Setur boltann framhjá, flaggið í loft í þokkabót.

Nákvæmlega ekkert gerst í þessum leik fyrir utan skellinn sem Niko fékk í upphafi.

Fer mjög rólega af stað. Skal engan undra,Víkingar ekkert að stressa sig um of.

Niko skokkar aftur inná og er í lagi.

Nikolaj Hansen fer í grasið eftir örfáar sekúndur eftir viðskipti við Miguel Lopez. Lendir illa eftir skallaeinvígi og fær aðhlynningu.

Þetta er farið af stað í Andorra. Það eru Víkingar sem hefja leik.

Liðin að ganga til vallar og allt til reiðu í Andorra. Víkingar 90 mínútum frá fyrirheitna landinu.

Stuðst verður við útsendingu Stöðvar 2 Sport frá leiknum í þessari textalýsingu. Nú er upphitun fyrir leikinn hafin þar sem Kjartan Atli ásamt Albert Brynjari Ingasyni og óvæntum sérfræðing fara yfir málin. Lárus Guðmundsson er mættur í sett til Kjartans og verður með í umfjöllun um leikinn í kvöld. Það er rödd sem mætti heyrast mun oftar í umfjöllun um fótbolta á Íslandi. Hver man ekki eftir Þýska boltanum á Rúv?

   18.03.2020 11:00

Miðjan - Lárus Guðmunds um bikartitla, mútugreiðslur og fleira

Spillir ekki fyrir Lárusi að hann er að sjálfsögðu upprunalegur Víkingur þó hans afrek síðustu ár hafi verið í Garðabænum.

Arnar Gunnlaugsson hefur opinberað byrjunarlið sitt og breytir litlu frá fyrri leiknum. Aron Elís Þrándarson sem verið hefur að ná sér eftir meiðsli ferðaðist ekki með Víkingum í leikinn af fjölskylduástæðum. Í hans stað kemur Viktor Örlygur Andrason inn á miðjuna í liði Víkinga. Að öðru leyti er liðið hið sama og vann stórsigur í fyrri leik liðanna.

Byrjunarliðið gegn UE Santa Coloma er klárt. Styttist í veisluna, Ölver byrjað að fyllast af Víkingum og kl. 17:00 verðum við í beinni frá Andorra með Arnar Gunnlaugsson á öllum samfélagsmiðlum Víkings og YouTube. pic.twitter.com/8fZe3URgUj

— Víkingur (@vikingurfc) August 29, 2024

Ég henti í draumamótherja mína sem stuðningsmaður Víkings eftir fyrri leikinn. Í kvöld verður endanlega ljóst hvaða lið eru í boði fyrir Víkinga og í hvaða potta þau raðast. Við munum svo ekki þurfa að bíða of lengi eftir því að sjá hverjum Víkingar munu mæta en dregið verður strax á morgun.

   23.08.2024 11:40

Víkingur gæti mætt Chelsea - Svona er draumadráttur stuðningsmannsins

"Þetta lítur mjög vel út, ég viðurkenni það. En þú veist að ég er aldrei að fara að segja að þetta sé komið. Við erum klárir í seinni leikinn og það eru líka Evrópustig í boði þar upp á styrkleikaröðun." Aron kom heim í Víking í fyrra eftir áratug í atvinnumennsku. Hann segir að það að koma uppeldisfélaginu í Sambandsdeildina myndi trompa allt annað. "Ég var í 10 ár úti. Að vera í Evrópu með uppeldisklúbbnum er miklu stærra en það fyrir mér. Að komast í úrslitakeppnina í Sambandsdeildinni yrði það stærsta á mínum ferli. "

   22.08.2024 21:01

Aron Elís: Það stærsta á mínum ferli

"Við erum komnir langleiðina myndi ég halda. Það væri eitthvað disaster að klúðra þessu. En ég er virkilega ánægður með strákana," sagði Arnar Gunnlaugsson, þjálfari Víkings, eftir 5-0 sigur gegn Santa Coloma í fyrri umspilsleiknum um sæti í Sambandsdeildinni.

   22.08.2024 20:49

Arnar Gunnlaugs: Væri eitthvað stórslys að klúðra þessu

Víkingar eru í vægast sagt góðri stöðu eftir fyrri leik liðanna í Víkinni fyrir viku. Víkingar fóru þar með 5-0 sigur af hólmi og fóru langleiðina að því að tryggja sér sæti í deildarkeppni Sambandsdeildarinnar.

   22.08.2024 21:04

Tvö vítaklúður komu ekki að sök - Víkingar með annan fótinn í Sambandsdeildina

Leika þeir þar eftir afrek Breiðabliks frá því í fyrra sem léku í riðlakeppni Sambandsdeildarinnar það ár en fyrirkomulagi keppninnar hefur nú verið breytt. Í stað fjögurra liða riðla mun Víkingur fari þeir áfram dragast gegn sex mismunandi andstæðingum úr sex mismunandi styrkleikaflokkum. Þremur mæta þeir heima en þremur á útivelli.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Santa Coloma frá Andorra og Víkings í umspili um sæti í deildarkeppni Sambandsdeildar Evrópu.