Eftir fyrsta korterið hér í dag þar sem að Stjörnumenn keyrðu hreinlega yfir heimamenn sáu þeir varla til sólar, og þá sérstaklega í seinni hálfleiknum. Verðskuldaður sigur heimamanna staðreynd og þeir fara upp í 16 stig!

Jón Hrafn með góðan bolta fyrir markið en enginn hvítklæddur í teignum til að skila boltanum í netið

Fjórum mínútum bætt við

Spyrnan er inn á teiginn en Stjörnumenn skalla frá

Örvar Logi gefur klaufalegt horn og Daði Berg fagnar því af innlifun

Jón Hrafn fær boltann frá Gumma Kristjáns á fínum stað vinstra megin í teignum en skotið er ekki gott og langt fram hjá

Jón Hrafn með bolta inn á teiginn sem er skölluð frá, Gummi Kristjáns brýtur svo á Diego Montiel og Vestramenn eiga aukaspyrnu í eigin teig

Stjörnumenn fá hornspyrnu sem Benedikt tekur stutt en boltinn fer svo fyrir markið þar sem Gummi Kristjáns á skalla fram hjá

Vestri fá hornspyrnu sem Örvar Eggerts skallar frá

Örvar með fyrirgjöf sem endar á einhvern ótrúlegan hátt á því að fara á milli Guy og marksins án þess að fara inn og fer í innkast hinum megin, Vestramenn nokkuð heppnir þarna þar sem að Guy stóð negldur við jörðina

Gustav Kjeldsem reynir skot úr aukaspyrnunni en það er yfir

Helgi Mikael beitir hagnaði fyrir utan teiginn og leyfir leiknum að halda áfram, Örvar Logi dettur svo fyrir Daða Berg inni í teignum og tekur Daða niður með sér. Helgi Mikael dæmir svo aukaspyrnu á brotið sem átti sér stað fyrir utan teiginn, spurning hvort þetta hafi verið réttur dómur

Gummi Kristjáns með góða gabbhreyfingu úti á hægri kantinum og kemur svo með fyrirgjöf sem er og nálægt markinu og Guy grípur örugglega.

Diego Montiel liggur eftir að hafa hlaupið á Guðmund Kristjánsson og þarf aðhlynningu en er svo fljótur á lappir

Stjörnumenn skalla hornið frá og Vestramenn enda á að gefa hann alla leið til baka á Guy í markinu

Gunnar Jónas í miklu plássi úti hægra megin þar sem hann færi boltann og nær hörkuskoti á markið en Árni Snær ver vel, horn fyrir Vestra

Boltinn endar óvænt hjá Gumma Kristjáns sem reynir eftir bestu getu að koma boltanum á markið en fram hjá fer hann

Örvar Logi með bolta fyrir mark Vestra sem Eiður Aron kemur í horn

Benedikt með góðan bolta í hlaupið fyrir Örvar en Eiður Aron verst því vel

Helgi Mikael dæmir aukaspyrnu á Stjörnuna í teignum og Vestramenn fá boltann

Kjartan í fínni stöðu hægra megin í teig Vestra en fyrirgjöfin ekki nægilega góð en Stjörnumenn uppskera þó hornspyrnu

Vestramenn eru að byrja þennan seinni hálfleik eins og Stjörnumenn byrjuðu þann fyrri, orkumiklir og mæta á fullu í öll einvígi

Gummi Kristjáns að sleppa ansi vel. Stoppar Anton Kralj ansi harkalega úti á kantinum en ekkert spjald á loft.

Aukaspyrnan er löng inn fyrir sem endar með því að Vladimir Tufegdzic er í ágætis stöðu og reynir að koma boltanum fyrir og uppsker horn.

Það verður svo ekkert úr horninu

Hálfleikur í þessum nokkuð bragðdaufa leik. Stjörnumenn byrjuðu töluvert betur en heimamenn og pressuðu stíft og uppskáru mark á 6. mínútu. Stjarnan hefur aðeins bakkað og Vestramenn náð að færa sig upp á skaftið án þess þó að skapa sér neitt að viti og eru aðeins með eitt skot að marki. Vonandi fáum við einhverja meiri skemmtun í þetta í seinni!

Jeppe Pedersen með langt innkast sem Örvar skallar frá

Einni mínútu bætt við fyrri hálfleikinn

Daði berg fer niður í teignum og stúkan vill víti en það er ekkert í þessu.

Andri fær boltann fyrir utan teiginn og nær fínu skoti en það er yfir

Daði Berg með fyrirgjöf frá hægri sem er allt of föst og Stjörnumenn eiga boltann

Benedikt tekur horn sem Vestramenn sem skalla frá, beint á Örvar Loga sem á skot hátt yfir markið

Benedikt tekur aukaspyrnuna á fjær þar sem hann finnur Örvar Eggerts. Örvar nær skalla fyrir markið en þar er enginn til að koma boltanum í markið

Samúel Kári með rosalegt innkast inn á teiginn sem Guy Smit grípur

Örvar með fínan bolta fyrir markið sem er nálægt því að ná til Benedikts en Thibang er fyrri til og kemur boltanum frá.

Benedikt Warén með fínustu hornspyrnu fyrir Stjörnumenn beint inn á hættusvæðið en þar er enginn til að ráðast á boltann sem fer í gegn um allan pakkann og aftur fyrir hinum megin

Frábær bolti inn fyrir á Andra Rúna frá Sigurði Gunnari að mér sýnist og Andri með þrumuskot í slána

Í þetta skiptið endar boltinn fyrir framan markið en Stjörnumenn fljótir að átta sig og hreinsa frá

Spyrnan fer í fremsta mann og aftur fyrir á ný, annað horn

Skemmtilegur bolti inn fyrir vörn Stjörnunnar sem Sigurður Gunnar setur aftur fyrir. Hann vill brot á Daða Berg sem fer aðeins utan í hann en hornspyrna er niðurstaðan

Í þetta skiptið er boltinn of fastur og fer yfir allann pakkann og aftur fyrir hinum megin

Vestramenn fá hér annað horn

Hornspyrnan fer ekki yfir fyrsta mann og er skölluð frá

Fyrsta skot Vestra á Vladimir Tufegdzic sem gestirnir ná að stökkva fyrir, horn fyrir heimamenn

Samúel með boltann inn í teig langt utan af vinstri kantinum en Guy er ekki í miklum vandræðum með þetta í markinu.

Gummi Kristjáns leikur á tvo úti á hægri kantinum og kemur boltanum svo fyrir markið en Guy kemur út úr markinu og handsamar boltann, skemmtilegir taktar hjá Gumma þarna.

Benedikt Warén setur boltann inn á teiginn en heimamenn ná að skalla frá

Gustav Kjeldsen brýtur hressilega á Örvari Eggers og Stjörnumenn fá aukaspyrnu á fínum stað

Kjartan reynir að finna Andra Rúnar inn fyrir en boltinn endar í fanginu á Guy

Stjarnan:
Árni
Gummi Kristjáns, Sigurður Gunnar, Sindri Þór, Örvar Logi
Kjartan Már
Samúel Kári, Guðmundur Baldvin,
Örvar, Andri Rúnar, Benedikt Warén

Vestri:
Guy Smit
Gunnar Jónas, Thibang, Eiður Aron, Gustav, Anton Kralj
Daði Berg, Fatai, Jeppe Pedersen, Diego Montiel
Vladimir Tufegdzic

Stjörnumenn eru að kæfa heimamenn í pressu þessar fyrstu tíu mínútur

Benedikt tekur hornið á nær þar sem Andri Rúnar er mættur en skotið er fram hjá

Frábær tækling hjá Thibang sem lokar á fínt færi frá Guðmundi Baldcini, Stjörnumenn fá horn

Andri Rúnar fær boltann inn fyrir en flaggið á loft

Stjörnumenn ætla greinilega að mæta Vestramönnum ofarlega hér í dag

Andri Rúnar sparkar þessu í gang á sínum gamla heimavelli.

Þetta er að fara í gang á ísafirði, Vestramenn í sínum dökkbláu búningum og Stjörnumenn í hvítu. Fínustu aðstæður fyrir fótbolta.

Það er vel tekið á móti Andra Rúnari og Benedikt Warén sem fá blómvönd og innrammaðar treyjur í þakkir fyrir vel unnin störf fyrir Vestra.

Elmar Atli, fyrirliði Vestra, snýr aftur eftir að hafa setið af sér bann vegna brots á veðmálareglum. Hann er í hópnum í dag sem eru góðar fréttir fyrir heimamenn.

Viðtal við Elmar Atla

Það er ekki búist við miklum markaleik hér í dag og það endurspeglast í stuðlunum hjá Epic. 1,70 á að bæði lið skori hér í dag er eflaust eitthvað sem menn eru að horfa í.

Davíð Smári gerir tvær breytingar á sínu liði frá tapinu gegn Fram í síðustu umferð. Inn í liðið koma Gunnar Jónas Hauksson og Diego Montiel en þeir koma inn fyrir Sergine Fall sem fær sér sæti á bekknum og Morten Olsen sem er ekki í hópnum.

Sömu sögu er að segja af Jökli en hann gerir einnig tvær breytingar á byrjunarliðinu á milli leikja. Inn koma Kjartan Már Kjartansson og Andri Rúnar Bjarnason sem snýr aftur á sinn gamla heimavöll og út fyrir þá fara Daníel Finns Matthíasson og Emil Atlason en sá síðarnefndi er ekki með í dag vegna leikbanns sem er mikill skellur fyrir gestina.

Arnór Borg, sem kom til Vestra í lok gluggans, fór meiddur út af í síðasta leik en hann hefur komið inn með miklum krafti í Vestraliðið og því skellur fyrir Vestramenn að missa hann út. Útlit er fyrir að Arnór verði frá í einhverjar vikur hið minnsta en hann meiddist aftan á læri og fór út af á börum í leiknum gegn Fram.

Arnór Borg frá næstu vikurnar hið minnsta

Aron Guðmundsson, íþróttafréttamaður, er spámaður umferðarinnar og hann spáir Vestra sigri.


Vestri 2 - 0 Stjarnan
Athyglisverður leikur í meira lagi, stóri leikur þessarar umferðar á Stöð 2 Sport á Ísafirði. Andri Rúnar Bjarnason að snúa aftur vestur og með prinsinn Benedikt Warén með sér í för. Það verður vel tekið á móti þeim en ekki fara þeir með bros á vör heim í Garðabæinn. Vestramenn, sem endurheimta fyrirliðann Elmar Atla eftir bann, vilja kvitta fyrir tap í Lambhaganum í síðustu umferð, þeir halda áfram að vera erfiðir að brjóta á bak aftur og fara með 2-0 sigur af hólmi. Daði Berg og Diego Montiel með mörkin.

Það hefur gengið upp og ofan hjá Stjörnumönnum í byrjun tímabils en þeir sitja í 5. sæti deildarinnar. Þrátt fyrir gagnrýni á spilamennsku liðsins og upplegg Jökuls hafa þeir náð að safna 10 stigum og eru jafnir KRingum og Mosóbrósum. Til marks um óstöðugleika Stjörnunnar í byrjun tímabils eru þeir með þrjá sigra, eitt jafntefli og þrjú töp í fyrstu sjö leikjunum. Í síðustu umferð fengu þeir Víkinga í heimsókn og náðu þar í einn punkt í fjörugum leik þar sem bæði lið fengu færi í lok leiks til að taka punktana þrjá en 2-2 lokatölur og liðin deildu stigunum á milli sín.

Vestri hafa, eins og flestir vita, byrjað mótið frábærlega en þeir sitja í þriðja sæti deildarinnar þremur stigum á eftir Blikunum sem eru á toppnum. Eftir stórgóðan bikarleik þar sem þeir slógu topplið Blika út mættu þeir Fram í dal draumanna í síðustu umferð þar sem þeir þurftu að sætta sig við 1-0 tap þar sem eina mark leiksins kom út vítaspyrnu sem Sergine Fall var óheppin að gefa. Það er hægara sagt en gert að skora á þetta Vestralið en þeir eru aðeins búnir að fá á sig þrjú mörk í fyrstu sjö umferðunu.

Helgi Mikael Jónasson stjórnar flautukonsertnum í þetta skiptið. Honum til halds og traust eru AD1, Egill Guðvarður Guðlaugson, AD2, Antoníus Bjarki Halldórsson og Elías Ingi Árnason sem er á skiltinu.

Verið velkomin í þessa beinu textalýsingu frá leik Vestra og Stjörnunnar í 8. umferð Bestu deildarinnar. Leikurinn fer fram á Kerecisvellinum á Ísafirði og er flautaður í gang klukkan 19:15.

Svona lítur umferðin út

Föstudagur
19:30 KR-Fram (AVIS völlurinn)

Laugardagur
17:00 KA-Afturelding (Greifavöllurinn)
17:00 Valur-ÍBV (N1-völlurinn Hlíðarenda)
19:15 Víkingur-ÍA (Víkingsvöllur)
19:15 Vestri-Stjarnan (Kerecisvöllurinn)

Sunnudagur
19:15 FH-Breiðablik (Kaplakrikavöllur)