SKÝRSLAN: FH vann á gervigrasi
Hvað réði úrslitum?
FH-ingar voru líklegri til þess að skora í fyrri hálfleiknum fannst mér en fóru í hálfleikinn einu marki undir. Björn Daníel gerði frábærlega að jafna þetta strax í upphafi síðari hálfleiks en skiptingin þegar Bragi Karl kemur inn á breytti leiknum. Hann situr tvö mörk um leið og hann kemur inn á og eiginlega vinnur þetta fyrir FH.
Bestu leikmenn
1. Bragi Karl Bjarkason
Erfitt að horfa framhjá varamanninum sem bara breytti þessu í dag. Kemur inn á og setur strax tvö. Gerir vel í báðum mörkunum en sérstaklega seinna markinu fannst mér. Fær boltann skoppandi inn á teignum og gerir mjög vel að setja hann framhjá Antoni. Hans fyrstu mörk í FH treyjunni.
2. Davíð Ingvarsson
Var 50/50 með hann eða Kjartan Kára en endaði á Davíð. Skorar tvö gegn uppeldisfélaginu og tvö mjög góð mörk. Góðar afgreiðslur og bara góð gæði í þeim mörkum. Mörkin komu líka á góðum tíma fyrir Blikana sem voru ekki búnir að gera mikið sóknarlega í leiknum.
Atvikið
Atvik leiksins gerðist á 54. mínútu þegar Bragi Karl kemur inn á fyrir Kristján Flóka. Bragi skoraði eitt með sinni fyrstu snertingu þegar hann var búinn að vera inná í 40 sekúndur rúmlega og bætti svo öðru við skömmu seinna. Hann breytti bara leiknum fyrir FH.
Hvað þýða úrslitin?
FH-ingar eru komnir upp í efri hlutann, 6. sætið, á meðan Blikar eru í 3. sætinu. Valsarar töpuðu í Eyjum en Víkingar unnu á Skaganum þannig það hefði verið sterkt fyrir Blika að vinna í kvöld. FH-ingar unnu líka loksins á gervigrasi, sú grýla er mikið búinn að vera í umræðunni.
Vondur dagur
Mér fannst spes taktur í öllu Blika liðinu. Það var kannski ekki fyrr en Dóri gerði fjórfalda breytingu í seinni hálfleiknum þar sem mér fannst þeir vakna aðeins. Ef ég ætti að velja ein væri það Viktor Örn. Var mjög ólíkur sjálfum sér með sendingafeila inn á milli og ekki góður varnarlega í dag líka eins og svosem aðrir hjá Breiðablik í kvöld.
Dómarinn - 7
Bara vel dæmdur leikur hjá Twana að mínu mati. Alveg einn og einn dómur hér og þar sem ég var ósammála en almennt bara vel dæmt hjá þeim held ég.