Dómarinn flautar leikinn af. Ótrúleg dramatík hérna í lokin. Á hvað dómarinn var að dæma þarna í lokin veit ég ekki. Held að hann hafi dæmt á brot á markmanninum en hvar hann sá það er mér hulin ráðgáta. Leiknir vinnur gríðarlega mikilvægan sigur.

Völsungar fá horn. Síðasti sénsinn mögulega

Leiknismenn eru líklegri að bæta við en Völsungar að jafna.

Þetta er hálfpartinn að fjara út hérna. Völsungar hafa ekkert náð að sækja að ráði eftir mark Leiknis.

Djorde á frábæra sendingu inn fyrir vörn Völsungs á Anton sem leikur á markmanninn en Arnar Pálmi bjargar á línu. Leiknismenn hársbreidd frá því að ganga frá þessu.

Aron á sendingu inn í teig frá hægri fyrir markið þar sem Dagur Ingi er á markteig en einhvern veginn setur hann boltann yfir markið. Þetta var færi!

Leiknismenn reyna að svara fyrir sig. Aron skýtur rétt yfir fyrir utan teig.

Gríðarlega mikil barátta þessa stundina. Bjarki Baldvins hellir sér yfir dómarann og fær tiltal að launum.

Völsungar fá aukaspyrnu á hættulegum stað rétt fyrir utan teig, Arnar Pálmi lætur vaða en rétt yfir markið.

Gestirnir fá tvær hornspyrnur í röð en ekkert kemur þó útúr þeim.

Það er kviknað líf hjá gestunum. Þeir fá aukaspyrnu rétt fyrir utan teig sem Djorde lætur vaða úr en Ívar blakar boltanum yfir.

Heimamenn pressa stíft á fyrstu mínútum seinni hálfleiks og fá sína fjórðu hornspyrnu.

Völsungar byrja seinni hálfleik af krafti og fá hornspyrnu og eftir klafs í teignum lekur boltann framhjá marki Leiknis.

Seinni hálfleikur er hafinn hér á Húsavík.

Kominn hálfleikur. Með hreinum ólíkindum að Völsungar séu ekki búnir að skora. Tökum okkur smá pásu.

Leiknismenn eru aðeins búnir að bíta frá sér og hafa verið með yfirhöndina undanfarnar mínútur.

Það er líf í gestunum. Aron með frábæran sprett á miðjunni og kemur boltanum á Þorstein úti hægra megin sem sippar boltanum yfir á fjærstöngina þar sem Ismael nær rétt svo að hreinsa. Boltinn var svo reyndar farinn aftur fyrir.

Gunnar Kjartan á fyrirgjöf frá hægri sem fer af varnarmanni en beint á Jakob Héðinn sem er í dauðafæri fyrir miðju marki en hann skallar framhjá. Ótrúlegt að heimamenn séu ekki enn búnir að jafna.

Enn ógna heimamenn. Nú er það Sergio Parla sem á ágætis skot fyrir utan teig en Ólafur Íshólm ver örugglega.

Arnar Pálmi með frábæran sprett upp vinstri kantinn en Leiknismenn ná að bjarga í horn á síðustu stundu.

Eftir frábæra sókn fær Gunnar Kjartan boltann úti við endalínu hægra megin og leggur boltann út í teig á Bjarka sem er í úrvalsfæri en eins og Jakob áðan skýtur hann rétt framhjá stönginni fjær.

Enn gera heimamenn sig líklega að jafna. Eftir hornspyrnu skallar Inigo Albizuri rétt yfir.

Ismael og Elfar Árni spila vel sín á milli úti hægra megin, Ismael sendir svo inn fyrir á Jakob Héðinn sem er einn gegn markmanni en skýtur hárfínt framhjá fjærstönginni.

Heimamenn eru að reyna að kvitta fyrir hörmulega byrjun en gengur illa að skapa sér almennileg færi.

Jens dómari flautar þetta af stað.

Guðmundur Magnússon nýjasti leikmaður Breiðabliks spáði í 18. umferð Lengjudeildarinnar og spáir hann Leikni 1-2 sigri. Þetta hafði hann að segja um leikinn: "Völsungur 1 - 2 Leiknir R. (16:00 í dag) Völlararnir í sárum eftir tap í síðustu umferð. Þeir sogast nær neðstu sætunum og finna Leiknismenn anda ofan í hálsmálið á þeim eftir að Óli Íshólm setti upp sýningu á Ghetto ground um daginn. Back to back sigur hjá Leikni og Gústi Gylfa fer heim í geymslu og grefur upp Matrix sólgleraugun frá í denn því það fer að sjást loksins til sólar í Efra Breiðholtinu."

Ef kíkt er á stuðlana hjá Epic fyrir leik þá er 2.5 á báðum liðum. Veðbankarnir búast því við hnífjöfnum leik sem ég efast ekki neitt um.

Völsungur er í 7.sæti deildarinnar með 19 stig en Leiknir er í 10.sæti með 13 stig. Þetta er því gríðarlega mikilvægur leikur í botnbaráttu deildarinnar.

Góðan dag og velkomin í beina textalýsingu frá PCC-vellinum á Húsavík. Hér í dag mætast Völsungur og Leiknir í 18.umferð Lengjudeildar karla og hefjast leikar kl.16:00