Breiðablik klárar þetta hér á heimavelli!
Þór/KA gaf þeim þó ágætis leik og með smá fínpússun hefðu þær getað sett eitt.

Allt í allt sanngjarn sigur hjá Blikum og Ólöf Sigríður kveður Ísland með tveimur mörkum í kvöld!

Takk fyrir samfylgdina!
Viðtöl og skýrsla kemur inn síðar í kvöld

Hræðileg spyrna frá Elínu Helenu sem Karen María pikkar bara upp og er komin ein í gegn, tekur hins vegar skotið alltof fljótt og óvandað, Þetta hefði hún átt að gera miklu betur miðað við reynsluna!

Líf er að komast enn og aftur í góða stöðu inn í teig, reynir að leggja hann en í varnarmann, berst þó til Katelyn sem á hörkuskot en Alessandra kemst í þetta

Líf reynir að finna Ollu í sama færi og fyrsta markið en nú er Alessandra búin að lesa þetta, lok, lok og læs á nærstönginni

Birgitta í dauuuuuuuðafæri en setur boltann í Taylor Kane sem kemur vel út á móti henni. Birgitta er búin að vera öflug í kvöld

Þetta er ekki búið og Líf með skotið en Alessandra gerir vel í markinu

Agla María með enn eitt hornið, ná fyrsta skallanum, síðan er darraðardans í teignum og boltinn skoppar á þverslánni!

Birgitta sleppur ein í gegn en flaggið fer á loft

Birgitta gerir vel og skilur Elínu Helenu eftir í reyk, setur hann fyrir en Taylor Kane rétt nær að vera á undan að setja hendurnar í þetta

Mikil barátta þessa stundina og liðin fá að brjóta

Ása komin í frábæra stöðu en þrumar boltanum yfir! Dauðafæri

Hildur Anna með sprett upp kantinn, finnur svo Huldu sem reynir að koma þessu inn í en þar er engin

Fær hann alein á fjær en á einhver ótrúlegan hátt hittir hún ekki boltann! og Alessandra kemst svo í þetta, ég sá þarna 3 markið á silfurfati

Brotið á Libby Moore, Hildur Ana tekur spyrnuna á fínasta stað, setur hann á fjær þar sem Margrét nær skalla á markið en framhjá

Hildur Anna með annað horn, setur hann á fjær sem ná að flikka honum áfram, alls konar vesen áður en Blikarnir koma þessu frá

Hildur Anna tekur hornið fyrir Þór/KA en boltinn virðist hafa farið útaf og markspyrna dæmd

Líf nælir í horn sem Agla María tekur að sjálfsögðu, tekur þetta stutt með Katelyn, boltinn berst svo til Ásu sem reynir skotið en rétt framhjá fjærstönginni

Ása með hörkuskot sem Alessandra þarf að hafa sig alla við að verja

Líf með hörku fyrirgjöf sem Arna þrumar í Kareni og svo framhjá markinu, þetta hefði getað endað sem sjálfsmark

Agla María með fínustu tilraun en framhjá

Ása sparkar seinni hálfleiknum af stað fyrir okkur aftur

Blikar leiða hér 1-0! Byrjuðu leikinn heldur betur vel og uppskáru mark strax á 3. mínútu! Þór/KA náði þó að vinna sig inn í leikinn og þétta raðirnar.

Annars er þetta hálfleikur tveggja misnotaðra vítaspyrna á báða bóga!

Við tökum okkur pásu og mætum fersk í seinni hálfleikinn!

Líf hoppar upp í samstuð við Alessöndru og þar með er flautað til hálfleiks

Birgitta Rún nælir í horn fyrir Þór/KA, Hildur Anna tekur þetta á teiginn, þaðan berst svo boltinn í höndina á Elínu Helenu

Líf nálægt því að ná að pota boltanum inn en þær komast fyrir þetta á síðustu stundu

A.m.k. 3 mínútur í uppbótartíma

Birgitta nær að snúa varnarmann af sér, ætlar svo að setja hann fyrir? Eða á marki? Boltinn allavega aftur fyrir markið

Líf með ágætis tilraun en Alessandra sér við henni

Angela setur Birgittu í gegn en flaggið fer á loft

Hildur Anna gerir frábærlega vel og kemst í gegn, Kristín Dís hins vegar kemur á hörkuspretti og þrumar þessu útaf

Þórdís reynir skot á markið af löngu færi en það er framhjá

Karítas brýtur á Hildi Önnu, Arna tekur spyrnir þessu fram en þar er engin....

Ása með bolta fyrir en Alessandra grimm í teignum kýlir þetta út

Libby Moore kemur sér inn á teiginn en Karítas nautsterk og kemur í hana á ferðinni, hún átti engan séns á að standa þetta af sér... markspyrna

Birgitta fær sendingu inn fyrir, Elín Helena eltir hana uppi, Birgitta reynir síðan skotið en er ekki í nógu góðu jafnvægi og boltinn hátt yfir

Margrét brýtur á Ásu, þær eru fljótar að taka þetta en fá skyndisókn í andlitið!

Ása reynir að finna Karítas innfyrir en sendingin of föst og rennur út fyrir endalínu

Agla María með horn en ekkert kemur út úr því

Amalía þræðir sig áfram inn í teignum er stöðvuð

Kristín Dís lendir í samstuði og fær höfuðhögg, liggur hér eftir og norðan konur taka stuttan fund

Karen Hulda brýtur á Karítas innan teigsins en tæpt var það

Karítas reynir annan bolta inn á teiginn en þar er Arna mætt og kemur þessu frá

Halda uppteknum hætti! Karítas Tómasdóttir í þetta skiptið en þær ná ekki að nýta þetta

Agla María með hornið, setur hann í bara fast í hnéhæð á teiginn og enginn virðist vita hvað þær eiga að gera við þetta

Þórdís finnur Ásu upp í horn, hún nælir svo í hornið

Birgitta Rún kemur sér í góða stöðu, reynir að taka skotið en beint í varnarmann, það er svo engin sem fylgir eftir frákastinu og Blikar koma þessu frá að sinni

Karítas og Líf koma sér í góða stöður inn í teignum en flaggið fer réttilega á loft

Blikarnir hafa haldið sig á vallarhelmini Þórs/KA og hleypa þeim ekki fram yfir miðju, þetta virðist ætla verða langur leikur fyrir norðankonur

Hildur Anna hefur leikinn fyrir gestina

Liðin eru komin inn á völlinn, þetta er að bresta á!

Blikarnir hefðbundnar grænar-hvítar-hvítar
Þór/KA hvítar-dökkbláar-dökkbláar

Breiðablik
Ian Jeffs gerir 1x breytingu á byrjunarliði sínu frá 1-7 sigri á Val í í síðustu umferð. Inn í liðið kemur Karítas Tómasdóttir og á bekkinn sest Edith.

Þór/KA
Aðalsteinn þjálfari Þórs/KA gerir einnig 4x breytingar á sínu liði frá 2-1 sigri gegn ÍBV í síðustu umferð. Inn í liðið kemur Libby Moore, Hildur Anna, Birgitta og Emilía en úr liðinu fara Karen María, Bríet, Hulda Ósk og Erin Flurey

Breiðablik
Hafa fengið tvo leikmenn til sín í glugganum og hafa lánað tvær í lengjudeildina






Þór/KA
Hafa nú ekki farið mikið á markaðnum, þær hafa fengið til sín Bandaríska leikmanninn Libby Moore. Þá hefur Bríet Fjóla skipt yfir í Þrótt og þá eru bæði Bríet og Emilía Ósk farnar út til Bandaríkjanna.

Alma Mathiesen, leikmaður HK í Lengjudeildinni er spámaður umferðarinnar


Breiðablik 3 - 1 Þór/KA
Blikar koma með mikið sjálfstraust inn í leikinn eftir sigurinn á móti Val. Þór/KA mun verjast vel en gæðin í sóknarlínu Blika mun vinna leikinn. Hrafnhildur Ása, Agla María og Olla með mörkin.

Liðin mættust á Akureyri 20. maí sl. þar sem Breiðablik fór með 1-3 sigur af hólmi.

Breiðablik skoraði þá 3 mörk á korteri í seinni hálfleik með mörkum frá Ollu Siggu, Ásu og Edith. Þór/KA náði svo inn sárabótarmarki í uppbótartíma þegar Hulda Ósk setti boltann í netið.

Þór/KA sitja fyrir þennan leik í 8. sætinu með 12 stig. 1 stigi á eftir Fram í 7. sætinu og 1 stigi á undan Víking R. í 9. sætinu. Það er þó stutt í efri hlutan og fari þær með sigur hér í kvöld skjótast þær upp í 6. sætið.

Tímabilið hjá Þór/KA fór heldur illa af stað og voru þær að berjast á botninum með fá stig þar til seinni hléið kom í deildina og þær þjöppuðu sér betur saman. Þær unnu Þrótt, Grindavík/Njarðvík og nú síðast ÍBV í síðustu 4 leikjum en töpuðu naumlega fyrir Stjörnunni á útivelli.

Það þarf líklega lítið að mótivera þetta lið í dag og norðankonur eru þekktar fyrir baráttu og barning.

Blikarnir sitja í 2. sæti deildarinnar með 27 stig eða 2 stigum á eftir toppliði FH og hafa 5 stiga forskot á Stjörnuna í 3. sætinu.

Blikarnir koma inn í þennan leik eftir risa 1-7 sigur á erkifjendunum í Val í síðustu umferð og þar á undan unnu þær Víkinga R. á heimavelli 4-1.

Þá er Blikaliðið það lið í deildinni nún asem hefur fengið fæst mörk á sig, 16 mörk og hafa skorað næst mest eða 38 mörk.

Þær vilja því eflaust halda áfram á stórsigra siglingunni sem þær eru á akkúrat núna!

Umferðin hófst í gær með tveimur leikjum og klárast svo í kvöld með þremur leikjum.

Umferðin lítur þá svona út:

Í gær:
1-1 Þróttur R. - Víkingur R.
0-0 Stjarnan - Grindavík/Njarðvík

Í dag:
18:00 Breiðablik - Þór/KA
18:00 ÍBV - FH
19:15 Fram - Valur

Á flautunni í kvöld verður Óli Njáll Ingólfsson og honum til halds og trausts verða Jón Reynir Reynisson og Ragnar Þór Bender aðstoðardómarar.

Fjórði dómari er Bríet Bragadóttir og eftirlitsmaður í kvöld er Þorsteinn Ólafs.

Verið hjartanlega velkomin í þessa textalýsingu þráðbeint frá Eikarvellinum í Kópavogi þar sem Breiðablik tekur á móti Þór/KA í 14. umferð Bestu deildarinnar.

Leikurinn hefst á slaginu 18:00!