Víkingar vinna leikinn en tapa einvíginu. Frábær frammistaða í dag, en ekki nóg. Sambandsdeildin tekur þá við fyrir þeim.

Viðtöl og skýrsla vænanleg seinna í kvöld.

Ein mínúta eftir, þetta er því miður búið að því virðist hjá Víkingum í Evrópudeildinni. En þvílík barátta í dag.

Sem er fáranlega lítið miðað við hvað hefur gerst hér í seinni hálfleik. Gestirnir endalaust að tefja.

Langt innkast hjá Víkingum sem berst á Daða inn í teig. Hann tekur skallann sem fer framhjá.

Hornspyrna hjá Víkingum sem þeir koma inn í teiginn. Úr verða svo þrjú skot að ég held bara nokkrum metrum frá marki, en alltaf ná gestirnir að koma sér fyrir þessi skot.

Enn og aftur er Stígur Diljan að reykja menn úti á hægri kantinum. Hann kemur svo með boltann fyrir þar sem Helgi er mættur á fjær á algjöru dauðafæri. Hann tekur skotið en Steffen ver stórkostlega!

Viktor Örlygur gerir frábærlega undir mikilli pressu til að koma boltanum á Davíð. Þá er öll vörnin farin því þeir voru að pæla í Viktor og Davíð fær flugbraut í átt að teignum. Hann tekur skotið á nær en þessi rétt framhjá markinu.

Stígur með frábæran sprett upp kantinn, fer mjög auðveldlega framhjá sínum varnarmanni. Hann kemur svo með sendinguna fyrir þar sem Gylfi er í dauðafæri, tekur skotið sem er á leiðinni inn, en Daði Berg er fyrir skotinu!!

Stígur leggur boltann á Valdimar sem er á ferðinni inn í teig. Varnarmaður gestana hleypur þá fyrir Valdimar og fer í hann í leiðinni þannig að hann fellur við. Maður hefur alveg séð dæmt á þetta, en Víkingar fá ekkert.

Matoshi kemur upp vinstri kantinn, og kemur svo inn á teig. Hann leggur boltann fyrir þar sem Gutbub er í dauðafæri og tekur skotið en Helgi stendur fyrir og nær að blokka skotið.

Burki tekur spyrnuna, fast skot í markmannshornið en Aron ver frá honum. Hann ver boltann hins vegar út í teig, en Oliver Ekroth er fyrstur að bregðast við og hreinsar frá.

Gunnar Vatnhamar brýtur af sér næstum á vítateigslínunni. VAR skoðar væntanlega hvort þetta hafi verið inn í teig, þetta munaði allavega litlu.

VAR er að skoða þetta fyrir rangstöðu en markið stendur!!

Harkan er farin að taka yfir leikinn. Dómarinn stöðvar leikinn til að ræða við menn og ná hitastiginu aðeins niður.

Allt jafnt í hálfleik og Víkingarnir búnir að spila flottan leik. Gestirnir hins vegar bara það gæðamiklir að þeir þurfa ekki mikið til að refsa. Þá þarf að múra fyrir betur og á sama tíma bæta enn meira í sóknarleikinn.

Ef staðan er 5-2 eftir klukkutíma þá erum við að fara í framlengingu!

Viktor Örlygur og Roth fara upp í skallabolta, þeir skella harkalega saman við það og liggja báðir eftir.

Þeir eru báðir búnir að standa upp eftir þetta, og virðast vera í góðu lagi.

Gunnar Vatnhamar með skallan í varnarmann sem dettur svo beint fyrir Gutbub. Hann tekur eina snertingu og er þá kominn í góða stöðu, þar sem hann tekur skotið rétt framhjá.

Það er mikil barátta og Víkingar ná að halda gestunum frá því að komast í vænlegar stöður. Að sama skapi eiga þeir erfitt með að skapa sér.

Stígur til að mynda með mikið pláss úti vinstra megin, kemur með fyrirgjöfina en í varnarmann og Steffen grípur lausa boltann.

Helgi og Gylfi með frábært spil úti á vinstri kanti sem platar varnarmennina upp úr skónum. Helgi leggur svo boltan fyrir Viktor Örlyg sem er kominn í mjög góða stöðu inn í teig. Viktor tekur skotið en Steffen ver vel.

Held að svona sjö mismunandi dómarar hafa dæmt í því hver átti innkastið. Víkingar voru búnir að taka það og komnir í góða stöðu þegar aðaldómarinn ákvað að gefa gestunum innkastið. Menn á bekknum hjá Víking alls ekki sáttir.

Reichmuth með skotið fyrir utan teig, fast en beint á Aron sem grípur boltann.

Gylfi aftur með boltann fyrir utan teig, í þetta skiptið aðeins lengra frá. Hann tekur skotið en þetta fer hátt yfir og þar að auki framhjá.

Reichmuth kemur upp vinstri kantinn og reynir fastan bolta fyrir. Víkingar hreinsa en beint til Labeau fyrir utan teig sem lætur vaða en framhjá.

Ekroth grjótharður í einvígi og tekur einn Svisslendinginn löglega niður en með miklum krafti. Stúkan gjörsamlega tryllist við þetta, það er stemning í Fossvoginum!

Þetta er farið af stað í Víkinni. Víkingar þurfa fjögur mörk til að fara áfram.

Koma svo!

Frá fyrri leiknum í Sviss gerir Sölvi Geir Ottesen, þjálfari Víkings, þrjár breytingar á sínu liði. Þeir Sveinn Gísli Þorkelsson og Sveinn Margeir Hauksson taka sér sæti á bekknum en Daníel Hafsteinsson er meiddur og því ekki með. Inn koma Valdimar Þór Ingimundarson, Ármann Ingi Finnbogason og Viktor Örlygur Andrason. Ármann Ingi er að byrja sinn fyrsta Evrópuleik á ferlinum.

Tvær breytingar eru á liði Thun frá fyrri leiknum. Fyrirliðinn Marco Bürki er mættur í hjarta varnarinnar eftir leikbann og Nils Reichmuth fer á hægri kantinn.

„Ég er ekki að spá í möguleikunum, ég er frekar að spá í að ná góðri frammistöðu á móti þeim sem mun skila okkur í góðum úrslitum,“ segir Sölvi Geir Ottesen aðspurður um möguleika Víkings.

„Við þurfum að halda í vonina í þessu einvígi. Staðan lítur ekki vel út, við erum 3-0 undir og þetta er mjög erfitt verkefni fyrir framan okkur. Með trú, vilja og samstöðu er margt hægt í fótbolta.“

„Við þurfum að vera á okkar allra besta degi, með stuðning úr stúkunni og öll smáatriði á hreinu. Það þarf allt að ganga upp til að við náum að koma okkur áfram í næstu umferð í forkeppni Evrópudeildarinnar.“

Meiðsli hafa herjað á herbúðir Víkings. Elías Már, Tarik Ibrahimagic og Óskar Borgþórs eru frá til lengri tíma. Sölvi segir stöðuna á hópnum þó nokkuð góða.

„Það er spurningamerki með Daníel Hafsteins, hann var ekki með gegn ÍBV.“

Það verður reyndur portúgalskur dómari með flautuna í Fossvoginum. Hann heitir Luís Godinho og dæmdi einn leik í deildarkeppni Meistaradeildarinnar á síðasta tímabili. Allt dómarateymi leiksins kemur frá Portúgal, þar á meðal er VAR dómarinn Fábio Melo.

Víkingur fær svissnesku meistarana í Thun í heimsókn 17:30. Víkingur er þremur mörkum undir eftir útileikinn og á því erfitt verkefni fyrir höndum.

Takist Víkingum að snúa blaðinu við mæta þeir Lech Poznan eða KÍ frá Klaksvík í umspili um sæti í Evrópudeildinni. Tapi þeir einvíginu mæta þeir Borac frá Bosníu og Hersegóvínu eða ML Vitebsk frá Belarús í umspili um sæti í deildarkeppni Sambandsdeildarinnar.