Tíðindalitlum síðari hálfleik lokið og fara Njarðvíkingar með öruggan sigur af Seltjarnarnesi.

Viðtöl og skýrsla í kvöld.

Klúður í vörn Gróttu þar sem boltinn er hreinsaður í samherja. Boltinn dettur fyrir Leandro sem þrumar að marki en boltinn hefur haft viðkomu í leikmanni Gróttu og fá Njarðvíkingar hornspyrnu.

Mikill darraðadans kom í kjölfar hornsins en endar með því að boltinn fer aftur fyrir endalínu.

Fer upp í 50/50 bolta og liggur eftir. Kvartar undan verk í hné. Vonum að þetta sé eitthvað minniháttar.

Staðinn upp og haltrar útaf.

Þetta er hægt og rólega að fjara út. Gróttumenn reyna en komast lítt áleiðis gegn góðri Njarðvíkurvörn

Njarðvíkingar eru með tögl hagldir hér í kvöld. Einfalt spil endar með skoti Viktors Nóa rétt framhjá

Skelfileg sending til baka hjá Arnleifi að mér sýndist sem Mattías Kjeld kemst inn í. Hann ætlar að leika framhjá Guy í markinu en Guy gjörsamlega át hann. Vel gert hjá Guy og á sama tíma ansi slappt hjá Mattíasi.

Virkilega góð fyrirgjöf af hægri kantinum inn í teig þar sem Valdimar Jóhannsson var einn og óvaldaður en fær boltann í hælinn og missir stjórn á honum. Þarna hefðu Njarðvíkingar getað bætt enn frekar í

Við erum kannski með leik eftir þetta mark!

Þetta hefði hann átt að klára!

Björgvin Brimi fær stungusendingu í gegn og rekur boltann frá miðjum vallarhelmingi Njarðvíkur og á skot að marki sem Guy Smit ver vel í horn. Varnarmaður Njarðvíkur gerði vel í að loka á skotvinkilinn hans

Gróttumenn ná að tengja saman nokkrar sendingar sem endar með skoti Andra Freys rétt framhjá markinu.

Það eru Njarðvíkingar sem stjórna lögum og lofum hér í kvöld. Frábær sprettur Braga Karls frá miðlínu inn í vítateig sem endar með skoti rétt framhjá markinu.

Njarðvíkingar eru hægt og rólega að taka yfir stjórnina á leiknum. Gróttumenn fá lítinn tíma á boltanum og lokað er á flestar sendingarleiðir þeirra.

Leikurinn er í miklu jafnvægi og skiptast liðin á að sækja án þess þó að skapa sér hættuleg færi.

Heimamenn virðast hafa vaknað við að þetta mark. Eftir snyrtilegt spil á hægri kantinum fær Björgvin Brimi boltann fyrir utan teig og á skot að marki en rétt framhjá.

Oumar Diouck spyrnir okkur af stað. Njarðvíkingar leika í átt að sundlauginni, Gróttumenn að Bakkagarði.

Liðin ganga til búningsherbergja eftir upphitun. Það styttist í þetta!

KR-ingurinn Eiður Gauti Sæbjörnsson spáir í spilin í kvöld

Grótta 1-0 Njarðvík (19:15 í kvöld)
Verður gríðarlega jafn leikur og lítið um færi. Tristan Freyr með winner beint úr aukaspyrnu seint í leiknum.

Það er Twana Khalid Ahmed sem mundar flautuna í kvöld. Honum til aðstoðar verða Egill Guðvarður Guðlaugsson og Breki Sigurðsson. Dómaraeftirlitsmaður er Ólafur Ingi Guðmundsson

Þegar liðin mættust á JBÓ vellinum í Njarðvík enduðu leikar þannig að Gróttumenn tóku þrjú stig í pokann góða heim á Seltjarnarnes.

Grímur Ingi Jakobsson kom Gróttumönnum yfir í byrjun síðari hálfleiks en Hrafn Guðmundsson jafnaði fyrir Njarðvík þegar um 10 mínútur voru til leiksloka. Það var svo Axel Sigurðarson sem tryggði Gróttumönnum sigurinn á 90. mínútu með glæsimarki.

Eftir bras í byrjun móts hefur heldur betur kveiknað á Njarðvíkingum og sitja þeir í 4. sæti Lengjudeildarinnar með 29 stig, þremur fleiri en Grótta í 6. sæti.
Njarðvíkingar hafa unnið fimm leiki af síðustu sex og eru að toppa á hárréttum tíma.

Fyrir leik kvöldsins situr Grótta í 6. sæti deildarinnar, tveimur stigum á eftir HK í 5. sætinu en Grótta hefur leikið einum leik færri en liðin í kringum sig.
Gróttumenn náðu í gott stig gegn toppliði Þróttar í síðustu umferð og koma inn í þennan leik á ágætis siglingu eftir tvo sigurleiki þar á undan.

Í kvöld taka heimamenn í Gróttu á móti Njarðvíkingum í 18. umferð Lengjudeildar karla í knattspyrnu.

Lengjudeild karla
18:00 Vestri-ÍR (Kerecisvöllurinn)
18:00 Ægir-Völsungur (GeoSalmo völlurinn)
18:00 Grindavík-Þróttur R. (Stakkavíkurvöllur)
19:15 HK-Leiknir R. (Kórinn)
19:15 Fylkir-Afturelding (tekk VÖLLURINN)
19:15 Grótta-Njarðvík (Vivaldivöllurinn)