Everton tekur á móti Manchester United í 3. umferð ensku úrvalsdeildarinnar á Hill Dickinson-leikvanginum í Liverpool-borg klukkan 13:00 í dag.

Man Utd vann sinn fyrsta deildarsigur á tímabilinu gegn Ipswich í síðustu umferð eftir tap fyrir Hull í fyrstu umferðinni. Everton hefur á sama tíma unnið einn leik og gert eitt jafntefli.

David Moyes gerir eina breytingu á byrjunarliði Everton og hún er óhjákvæmileg. Brennan Johnson kemur inn í stað Iliman Ndiaye sem var seldur til Manchester City undir lok félagaskiptagluggans.

Jack Grealish og Ainsley Maitland-Niles byrja á bekknum eftir að hafa gengið til liðs við félagið fyrir gluggalok. Grealish sneri aftur á láni frá Man City en Maitland-Niles kom frá Lyon.

Michael Carrick breytir ekki sigurliði og stillir upp sömu ellefu leikmönnum og unnu Ipswich. Hann fær þó liðsstyrk á bekkinn þar sem Mason Mount er laus við meiðsli og snýr aftur í hópinn.

Everton: Pickford; Röhl, Tarkowski, Branthwaite, Mykolenko; Garner, Armstrong; Dewsbury-Hall, Johnson, George; Barry.

Man Utd: Lammens; Dalot, Maguire, Martínez, Shaw; Tielemans, Mainoo; Mbeumo, Fernandes, Rashford; Cunha.

David Moyes stjóri Everton segist aldrei hafa hitt eða talað við eiganda félagsins, Dan Friedkin. Moyes snéri aftur til Everton og tók við sem stjóri í janúar 2025.

05.09.26 10:14

Moyes hefur aldrei talað við eiganda Everton

„Við þurfum fleiri leikmenn. Hópurinn er ekki nógu stór," sagði David Moyes, stjóri Everton, áður en glugganum var lokað. Félagaskiptaglugginn endaði svo eins illa og hugsast getur fyrir Everton.

Folarin Balogun hætti á síðustu stundu við að fara til Everton sem hafði þá þegar losað Beto. Eftir stendur David Moyes með aðeins einn leikmann sem spilar sem fremsti maður. Það er Thierno Barry, sem hefur skorað 9 mörk í 40 deildarleikjum. Hann mun ekki fá neina alvöru samkeppni fyrr en í janúarglugganum í fyrsta lagi, ekki nema Everton sæki félagslausan leikmann.

En hver mun spila fremstur ef Barry er ekki til staðar?

„Mér er sagt að varasóknarmaðurinn verði Tyrique George. Hann hefur hingað til spilað á vinstri kanti en spilaði fremstur þegar hann kom upp hjá Chelsea," segir Giulia Bould, íþróttafréttamaður BBC.

„Brennan Johnson hefur einnig spilað sem fremsti maður og gæti gefið Moyes annan möguleika."

Stuðningsmenn Everton eru margir hverjir verulega ósáttir og þar á meðal er hlaðvarpsstjórnandinn Mike Richards.

„Eigendur félagsins hafa brugðist stjóranum algjörlega. Það sem er óskiljanlegast er að láta Beto fara til Fiorentina þegar það var ekki tryggt að það kæmi annar sóknarmaður inn," segir Richards.