Heimild: BBC
Fyrrverandi forseti Real Madrid, Ramon Calderon, segir allt útlit fyrir að Sergio Ramos muni yfirgefa Madrídarliðið og ganga í raðir Man Utd.
Calderon var forseti Real Madrid frá 2006-2009 og hefur góða tengingu inn í félagið.
„Ég veit að Sergio (Ramos) bað stjórnina um að hlusta á tilboð frá Man Utd. Hann vill bara fara þangað”.
Einhverjar sögusagnir hafa verið á kreiki um að Ramos sé einungis að reyna að fá betri samning í Madrídarborg en Calderon telur það ekki vera tilfellið.
„Real Madrid er ekki í góðri stöðu í þessu máli. Eftir því sem tíminn hefur liðið hafa hlutirnir versnað. Þetta er ekki spurning um peninga. Honum finnst félagið ekki hafa sýnt sér næga ást”, segir Calderon.
Athugasemdir