„Við eigum í mjög góðum samskiptum við fyrrverandi leikmenn okkar og það gildir einnig um Diego Costa," sagði Cerezo við spænsku útvarpsstöðina COPE.

„Costa er stórkostlegur leikmaður en hann er samningsbundinn Chelsea. Við ætlum að gera allt í okkar valdi til að fá hann aftur, en það veltur því miður ekki á okkur, heldur hvort Chelsea sé reiðubúið til að skoða félagsskipti eða ekki."

Jackson Martinez átti að vera aðalmaðurinn í sóknarleik Atletico á tímabilinu, en var seldur til Guangzhou Evergrande á 32 milljónir punda eftir að hafa aðeins gert 3 mörk í 15 deildarleikjum. Sá peningur á að fjármagna kaupin á Costa.