Liverpool eru sagt vera nálægt því að krækja í Thomas Lemar leikmann Mónakó í sumar. Þessi franski landsliðsmaður hefur verið orðaður við Liverpool lengi og er talinn arftaki Philippe Coutinho sem fór til Barcelona núna í janúar.
Le 10 Sport í Frakklandi telur að samkomulag á milli Liverpool og Mónakó sé nánast í höfn, Mónakó sé þá tilbúið að sleppa honum þegar sumarglugginn opnar.
Le 10 Sport í Frakklandi telur að samkomulag á milli Liverpool og Mónakó sé nánast í höfn, Mónakó sé þá tilbúið að sleppa honum þegar sumarglugginn opnar.
Liverpool og Arsenal hafa verið í eltingarleik við Lemar lengi vel. Arsenal komst næst því að landa honum á lokadegi félagaskiptagluggans síðasta sumar. Það varð hins vegar ekkert af því á endanum og var Lemar áfram hjá Mónakó.
Lemar var frábær í fyrra með Mónakó þegar liðið vann frönsku úrvalsdeildina og komast langt í Meistaradeildinni.
Lemar hefur ekki verið jafnheitur í ár, þrátt fyrir það hefur hann skorað tvö mörk og er með átta stoðsendingar í frönsku úrvalsdeildinni það sem af er þessu tímabili.
Talið er að verðmiðinn á Lemar sé í kringum 90 milljónir punda.
Liverpool hefur verið eitt besta sóknarlið Evrópu í vetur, ef ekki bara það besta. Það verður fróðlegt að sjá hvernig áhrif Lemar myndi hafa á þetta Liverpool lið ef þeim tekst að landa honum.
Nú verður bara að bíða og sjá hvort Lemar verður næstur í röðinni.
Liverpool er nú þegar búið að kaupa einn leikmann fyrir sumarið, Naby Keita frá RB Leipzig og kemur hann í sumar.
Athugasemdir
