Rooney var ekki sáttur þegar hann var tekinn af velli.
Sam Allardyce, stjóri Everton, ætlar að setjast niður með Wayne Rooney á næstu dögum og ræða viðbrögð hans við skiptingunni í grannaslagnum gegn Liverpool um helgina.
Sam tók Rooney af velli á 57. mínútu leiksins við litla hrifningu frá leikmanninum sjálfum. Hinn 32 ára Rooney var mjög reiður þegar hann var tekinn af velli og sást öskra ókvæðisorð á bekknum.
Sam tók Rooney af velli á 57. mínútu leiksins við litla hrifningu frá leikmanninum sjálfum. Hinn 32 ára Rooney var mjög reiður þegar hann var tekinn af velli og sást öskra ókvæðisorð á bekknum.
„Vonbrigði Wayne lágu í því að hann er Everton maður í gegn og hefur verið allt sitt líf. Hann spilaði sinn fyrsta leik með Everton 16 ára og var að spila í frábærum grannaslag gegn Liverpool á sínum velli þegar stjórinn hans tók hann út af," sagði Allardyce.
„Það var of mikið fyrir hann og hann þurfti að sýna reiði sína."
„Við setjumst niður í vikunni, ræðum þetta og sjáum hvernig honum líður. Ég er viss um að hann hefur róað sig aðeins niður núna."
Athugasemdir
