PSG hefur nú þegar slegið öll met með því að kaupa brasilísku stórstjörnuna Neymar frá Barcelona á 220 milljónir evra og er því nánast ómögulegt fyrir félagið að bæta við sig fleiri leikmönnum ef það ætlar að standast reglugerðir UEFA og FIFA.

Félagið þarf líklega að losa sig við nokkra leikmenn frá félaginu en Mbappe hefur verið orðaður við PSG síðustu daga.

Hann kemur til með að kosta um það bil 100 til 150 milljónir evra en forseti PSG er í góðu sambandi við Mbappe og hefur tjáð honum það að hann er á blaði hjá þeim fyrir næsta sumar.

Líklegt er að Mbappe verður í það minnsta eitt tímabil til viðbótar hjá Mónakó áður en hann flytur á nýjan áfangastað næsta sumar. Þá hafa Real Madrid, Barcelona, Arsenal og Liverpool öll verið á höttunum eftir honum.