Ross Barkley var besti maður Englands þegar liðið vann 2-0 sigur á Eistlandi í gær í undankeppni EM og uppskar hrós frá Roy Hodgson, landsliðsþjálfara Englands, í kjölfarið.
„Það er ekki oft sem ég spái í hver er valinn maður leiksins en ég er ánægður með að hann fékk þetta í kvöld," sagði Hodgson.
Barkley lék ásamt Liverpool mönnunum Adam Lallana og James Milner á þriggja manna miðju.
„Hann sýndi hvað hann getur. Við viljum nota hann í þessari stöðu og honum líður vel í þriggja manna miðju.
„Við höfum verið að vinna í ákvörðunartökunni hjá honum og það gengur vel. Hann hefur unnið vel í sínum málum undanfarið ár og ég er viss um að Roberto (Martinez) er að gefa honum sömu ráð og við," sagði Hodgson.
Athugasemdir