Lestu um leikinn: Fylkir 0 -  3 ÍBV

„Þetta er fáránleg byrjun í svona mikilvægum leik. Við erum búnir að gíra okkur upp alla vikuna svo færð þú nánast mark úr horni en auðvitað áttum við að vera búnir að bregðast við því og gera betur í því. Þá er það næsta skref og það er að rífa sig upp og síðan kemur skot af löngu færi og þá eru menn steinsofandi."

„Hann fylgir eftir skoti og hann skokkar sá sem sem fylgir eftir, það er ekki eins og hann hafi verið í kappi. Mér fannst það svekkjandi og það var ljótt að sjá það að menn hafi ekki passað betur upp á hvern annan þar," sagði Hermann sem var greinilega allt annað en ánægður með spilamennsku sinna manna í leiknum.

„Eftir það var þetta töluverð brekka. Ég hafði alltaf á tilfinningunni að við gætum komist inn í leikinn. Við komust ofar á völlinn en þá var einstaklings-aulagangur eitthvað sem menn áttu að læra í 6. flokki eða 5. eða 4. flokki. Móttaka og einfaldar sendingar, þetta var skoppandi á hnjánum eða ökklum og ég veit ekki hvar og hvar."

„Það er erfitt að komast í dauðafæri þegar þú ætlar að nota boltann svona svakalega illa," sagði Hermann, en hvað var upplegg Fylkis í leiknum?

„Þegar þú færð boltann að senda á samherja. Það var byrjunin. Fimm metra sendingar fóru útaf vellinum. Við ætluðum að sækja hratt upp kantana og fá Andrés og Daða, þeir eru með gæðin í það," sagði Hermann sem hélt áfram að tala um upplegg Fylkisliðsins í leiknum.

Viðtalið í heild sinni má sjá í sjónvarpinu hér að ofan.