Isco gekk til liðs við Real Madrid frá Malaga á 30 milljónir evra á síðasta ári en þrátt fyrir öfluga byrjun í Madríd þá hefur hann ekki fengið mörg tækifæri undir stjórn Carlo Ancelotti.

Isco hefur einungis byrjað þrjá leiki í spænsku deildinni til þessa en hann skoraði meðal annars gegn Levante í gær og stóð sig gríðarlega vel.

,,Ég er enn ungur og á enn eftir að bæta mig mikið. Það kemur með hverri mínútu á vellinum," sagði Isco.

,,Ég er ánægður með tækifærið sem þjálfarinn gaf mér og vonandi verð ég mikilvægur leikmaður liðsins á þessu tímabili," sagði hann að lokum.