Chris Coleman hefur verið ráðinn nýr stjóri Sunderland í Championship-deildinni. Hann hættir sem landsliðsþjálfari Wales til að taka við starfinu hjá Sunderland.
Coleman hefur skrifað undir tveggja- og hálfs árs samning, en hann tekur við starfinu af Simon Grayson sem var rekinn í lok síðasta mánaðar eftir aðeins 18 leiki í starfi.
Coleman hefur skrifað undir tveggja- og hálfs árs samning, en hann tekur við starfinu af Simon Grayson sem var rekinn í lok síðasta mánaðar eftir aðeins 18 leiki í starfi.
Sunderland féll úr ensku úrvalsdeildinni á síðasta tímabili. Liðið hefur spilað afar illa á tímabilinu, hefur aðeins unnið einn deildarleik og situr sem fastast á botni Championship.
Coleman er tíundi stjóri Sunderland frá því Roy Keane var látinn fara frá félaginu í desember 2008.
Fyrsti leikur Coleman, sem kom Wales í undanúrslit á EM í fyrra, verður gegn Aston Villa á þriðjudag.
👍👍 New #SAFC boss has his thumbs up #ForBradley pic.twitter.com/eWVWZj5O8b
— Sunderland AFC 🔴⚪ (@SunderlandAFC) November 19, 2017
Athugasemdir