Ungt lið Gróttu fór illa með ungt lið Víkings Ólafsvíkur í B-deild Fótbolta.net mótsins í dag. Leikið var á Seltjarnarnesi.

Sölvi Björnsson kom Gróttu yfir á 17. mínútu úr vítaspyrnu og svo tók hinn 19 ára gamli Kristófer Orri Pétursson við. Hann kom Gróttu í 2-0 og þannig var staðan í hálfleik.

Í seinni hálfleiknum hélt Kristófer Orri sýningu, hann skoraði fjögur mörk til viðbótar og var með fimm mörk í þessum leik! Öll fjögur mörk hans í seinni hálfleik komu á 17 mínútna kafla.

Öruggur sigur Gróttu staðreynd og þeir eru með fjögur stig, líkt og Njarðvík í riðli 1 í B-deild. Ólsarar eru án stiga.

Heimsækjum @Grottasport í @Fotboltinet mótinu kl. 14 í dag á Seltjarnarnesið. Spilum okkar efnilegu ungu mönnum auk þess sem 2-3 leikmenn verða til skoðunar. #vikingurol

— Víkingur Ólafsvík (@Vikingurol) January 20, 2018