Bjarki, sem er fæddur árið 1997, er uppalinn í KA en hann á að baki 41 leik og 1 mark fyrir félagið í bæði efstu- og fyrstu deildinni.

Hann lék tíu leiki í Pepsi-deildinni fyrir KA í sumar en hefur ákveðið að fara yfir í Þór.

Hann gerði tveggja ára samning við Þór í dag en Lárus Orri Sigurðsson, þjálfari liðsins, er ánægður með komu hans.

„Hann uppfyllir þær kröfur sem við gerum, hann er ungur og efnilegur og umfram allt metnaðarfullur. Við hlökkum til að vinna með Bjarka," sagði Lárus við heimasíðu Þórs.