Heimild: BBC
Gylfi Sigurðsson vonast til þess að Bafetimbi Gomis haldi áfram að skora en Gomis tryggði Swansea 1-0 sigur gegn Aston Villa í gær.
Gomis hefur verið undir miklu álagi undanfarnar vikur eftir að fyrrum aðalmarkaskorari liðsins, Wilfried Bony, gekk til liðs við Man City í janúar.
,,Við erum allir ánægðir fyrir hans hönd, það er mikil pressa á honum. Vonandi getur hann fylgt þessu eftir og skorað nokkur mörk það sem eftir lifir móts”.
,,Það trúa allir á hann. Auðvitað er erfitt fyrir sóknarmann þegar þú þarft að skora en hann hélt áfram og náði að skora fyrir rest. Það var mjög mikilvægt að ná sigri í dag og við viljum byggja ofan á það. Við viljum bæta stigamet Swansea í úrvalsdeildinni, það er eitt af markmiðum okkar”, sagði Gylfi eftir leikinn gegn Aston Villa.
Swansea eru komnir með 43 stig en félagsmetið í úrvalsdeildinni er 47 stig og var sett af Gylfa og fleirum tímabilið 2011/2012.
Athugasemdir