Ásmundur Arnarsson þjálfari Fram þurfti að sætta sig við enn eitt tap Fram í Inkasso-deildinni í sumar og nú á heimavelli gegn KA, 3-1.
Eftir að hafa verið tveimur mörkum undir í hálfleik, minnkuðu Framarar muninn í 2-1 en lengra komust þeir ekki.
Eftir að hafa verið tveimur mörkum undir í hálfleik, minnkuðu Framarar muninn í 2-1 en lengra komust þeir ekki.
Lestu um leikinn: Fram 1 - 3 KA
„Það er alltaf svekkjandi að tapa og það er alltaf jafn vond tilfinning en mér líður aðeins öðruvísi, því ég var heilt yfir ánægður með liðið. Menn héldu áfram allan tímann og við bættum í, í seinni hálfleik og komumst til baka. Mér fannst við vera á leiðinni að jafna leikinn þegar við fáum á okkur ansi ódýrt víti," sagði Ásmundur sem fannst Elfar Árni sækja vítið.
„Ég var ansi langt frá þessu svo það er erfitt að segja. Ingibergur rennir sér og ætlar að reyna fara fyrir skotið. Mér finnst Ingibergur síðan liggja kjurr þegar klókur framherji KA-manna (Elfar Árni) sækir vítið og fer í hann."
Framarar eru einungis búnir að fá eitt stig í síðustu fimm leikjum og eru komnir í neðri hluta deildarinnar.
„Taflan lýgur yfirleitt ekki og við skulum sjá hvernig hún lítur út í lokin. Þá er heildarpakkinn kominn í ljós."
Viðtalið í heild sinni má sjá í sjónvarpinu hér að ofan.
Athugasemdir
