Þórður Jensson þjálfari FH segir næsta leik liðsins gegn Þór/KA vera eins og bikarúrslitaleik þar sem liðið þarf sigur takist Aftureldingu að leggja Fylki af velli í lokaumferðinni.
FH-ingar töpuðu fyrir Selfyssingum í Kaplakrikanum í dag og er liðið tveimur stigum fyrir ofan Aftureldingu sem er í fallsæti þegar ein umferð er eftir.
FH-ingar töpuðu fyrir Selfyssingum í Kaplakrikanum í dag og er liðið tveimur stigum fyrir ofan Aftureldingu sem er í fallsæti þegar ein umferð er eftir.
,,Leikurinn þróaðist öðruvísi en við áttum von á. Við lögðum upp með að sitja til baka og beita skyndisóknum," sagði Þórður svekktur eftir tapið.
,,Við fáum á okkur mark og ætlum að koma til baka og gerum það en svo fáum við klaufamark beint í andlitið á okkur í síðari hálfleik. Eftir það fáum við leiðindamörk á okkur og svo er þetta bara orðinn eltingaleikur þarna í lokin.
,,Þessir leikir eru úrslitaleikir fyrir okkur og þar af leiðandi gefum við allt í það. Næsti leikur er okkar bikarúrslitaleikur og þetta er algjörlega í okkar höndum. Við höfum þurft að hafa fyrir þessu."
Athugasemdir