"Ég er bara ánægður með að vera kominn áfram," sagði Atli Sigurjónsson, leikmaður Breiðabliks, eftir 3-0 sigur gegn Kríu í 32-liða úrslitum Borgunarbikarsins í kvöld.
Lestu um leikinn: Kría 0 - 3 Breiðablik
"Það tók tíma að komast í gegnum þá, þeir voru skipulagðir og flottir. Þetta var bara þolinmæðisvinna og kom að lokum."
Vallaraðstæður voru frekar sérstakar enda engin aðstaða fyrir áhorfendur og búningsklefar í nokkurra mínútna göngufjarlægð frá vellinum. Atli segir að sjálfur völlurinn hafi verið góður en helst veðrið sem setti strik í reikninginn.
"Völlurinn er alveg frábær. Grasið er líklega það besta sem ég hef komið á í sumar. Mér er bara svo skítkalt núna."
Athugasemdir