Fótbolti.net

Fótbolti.net / Fotbolti Ehf.

Udogie orðaður við Man City - Huijsen eftirsóttur - Will Still gæti tekið við Southampton

Selfoss

2

1

Stjarnan

Guðmundur Aðalsteinn Ásgeirsson @gummi_aa

Barbára Sól Gísladóttir '14 1-0

1-1 Gunnhildur Yrsa Jónsdóttir '27

Jimena López Fuentes '34 2-1

21.06.2023 - 18:00
JÁVERK-völlurinn
Besta-deild kvenna
Aðstæður: Allt í toppmálum; 16 stiga hiti og sól
Dómari: Reynir Ingi Finnsson
Áhorfendur: 184
Maður leiksins: Jimena Lopez (Selfoss)

Myndir: Hrefna Morthens

Byrjunarlið:

('87)

('65)

('75)

Varamenn:

('87)

('75)

('65)

Liðsstjórn:

Gul spjöld:

Rauð spjöld:

Endurhlaða Skýrslan Viðtöl

Leik lokið!

Selfoss vinnur hér mikilvægan sigur í fallbaráttunni, en þær eru núna aðeins einu stigi frá öruggu sæti. Stjarnan er áfram með ellefu stig og þær geta gleymt Íslandsmeistaratitlinum.

90. mín

Fjórum mínútum bætt við

90. mín

Úlfa Dís að komast inn á teiginn en Sif verst frábærlega og kemur boltanum í burtu.

89. mín

Það er gríðarleg stemning á bekknum hjá Selfossi. Þær eru á góðri leið með að landa sínum fyrsta sigri í meira en mánuð.

87. mín

Inn:Katrín Ágústsdóttir (Selfoss) Út:Sigríður Theód. Guðmundsdóttir (Selfoss)

87. mín

Inn:Arna Dís Arnþórsdóttir (Stjarnan) Út:Betsy Doon Hassett (Stjarnan)

86. mín

Það er lítið sem bendir til þess að Stjarnan muni fá stig út úr þessum leik, en hlutirnir geta breyst hratt í fótbolta.

85. mín

Opinberar áhorfendatölur eru 184, en ég held að það séu fleiri á vellinum.

82. mín

Jasmín keyrir í átt að teignum en Katla María verst vel. Stjarnan fær hornspyrnu og í kjölfarið á Aníta Ýr skot af löngu færi sem Idun ver auðveldlega.

79. mín

Inn:Snædís María Jörundsdóttir (Stjarnan) Út:Ingibjörg Lúcía Ragnarsdóttir (Stjarnan)

75. mín

Inn:Grace Leigh Sklopan (Selfoss) Út:Kristrún Rut Antonsdóttir (Selfoss)

74. mín

Það er ótrúlegt að það hafi komið þrjú mörk í fyrri hálfleiknum. Þetta er búið að vera svo tíðindalítið.

73. mín

Emelía með flotta sendingu inn á teiginn. Sigríður Theódóra kemur á ferðinni og nær skotinu, en það er laust og auðveld fyrir Auði að handsama boltann.

67. mín

Stjarnan hafði skorað átta mörk í átta leikjum fram að þessum leik. Sóknarleikur liðsins er afar stirður og hugmyndasnauður.

65. mín

Inn:Guðrún Þóra Geirsdóttir (Selfoss) Út:Barbára Sól Gísladóttir (Selfoss)

64. mín

Hættulegt! Sædís með stórhættulegan bolta fyrir og Gunnhildur Yrsa með tilraun sem Idun ver stórkostlega!

Þarna Stjarnan nálægt því að jafna!

63. mín

Barbára fékk eitthvað hgg og getur ekki hladið leik áfram. Selfoss er að spila einum færri þessa stundina þar sem það var engin skipting tilbúin.

59. mín

Spurning hvernig áhrif þessi tvöfalda breyting mun hafa á lið Stjörnunnar.

59. mín

Inn:Aníta Ýr Þorvaldsdóttir (Stjarnan) Út:Gyða Kristín Gunnarsdóttir (Stjarnan)

59. mín

Inn:Úlfa Dís Kreye Úlfarsdóttir (Stjarnan) Út:Andrea Mist Pálsdóttir (Stjarnan)

57. mín

Jimena fellur í teignum og gerir tilkall til að fá víti, en Reynir Ingi dæmir ekkert. Ég held að þetta hafi verið rétt ákvörðun.

55. mín

Barbára reynir skot úr frekar þröngu færi en það er laust og fer beint á Auði.

53. mín

Barbára með góðan bolta fyrir markið en Málfríður er á undan Kristrúnu í boltann. Hún vinnur svo markspyrnuna.

50. mín

Jasmín reynir skot fyrir utan teig en það er mjög auðvelt fyrir Idun að grípa þennan bolta.

49. mín

Jasmín fær boltann inn á teignum, tekur vel á móti honum og leggur hann svo á Gyðu en skot hennar er engan veginn nægilega gott. Hitti boltann ekki vel.

48. mín

Barbára stingur Málfríði og reynir svo sendingu út í teiginn þar sem Sigríður Theódóra var að koma askvaðandi, en Betsy gerir vel og er á undan í boltann.

46. mín

Seinni hálfleikur er hafinn

45. mín

Hálfleikur

Þrátt fyrir þrjú mörk þá hefur þetta ekki verið fallegur né skemmtilegur fótboltaleikur, rosalega rólegt yfir þessu. Selfoss leiðir með einu marki. Við komum aftur eftir korter.

45. mín

Jasmín að komast í hættulegt skotfæri á teignum en Katla María verst vel og kemur boltanum í burtu.

43. mín

Jimena með boltann fyrir markið en það var engin nægilega gráðug í Selfossliðinu og hann fer aftur fyrir endamörk.

41. mín

Þetta varð nú á endanum ekki mikil skyndisókn. Jasmín gerir þó vel í að sækja hornspyrnu. Sædís skokkar yfir og tekur hornspyrnuna en Idun grípur hana.

40. mín

Stjarnan nær að koma boltanum í burtu eftir hornspyrnuna. Og fer upp í skyndisókn.

39. mín

Emelía gerir vel í að sækja hornspyrnu. Fáum við þriðja markið eftir fast leikatriði?

36. mín

Það er skrítið að segja það í ljósi þess að það eru komin þrjú mörk, en þetta er ekki búið að vera skemmtilegur leikur. Búið að vera frekar lokað þó það séu komin þrjú mörk.

35. mín

Jimena skoraði annað mark Selfoss

34. mín

MARK!

Jimena López Fuentes (Selfoss)
Stoðsending: Sigríður Theód. Guðmundsdóttir

Selfoss tekur aftur forystuna!!! Sigríður Theódóra tekur aukaspyrnu af vinstri kantinum sem ratar á kollinn á Jimenu. Skalli hennar er ekki fastur en hann lekur í netið.

Selfoss þurfti ekki að bíða lengi eftir því að taka forystuna aftur.

33. mín

Bergrós með fyrirgjöf sem fer alla leið fjær á Jimenu. Hún reynir skot en það fer í Eyrúnu. Stjarnan kemur svo boltanum í burtu.

28. mín

Gunnhildur Yrsa jafnaði metin

27. mín

MARK!

Gunnhildur Yrsa Jónsdóttir (Stjarnan)
Stoðsending: Sædís Rún Heiðarsdóttir

MARK!!!!! Stjarnan jafnar eftir hornspyrnu.

Þetta var mikil þvaga, en Gunnhildur Yrsa nær að nýta reynslu sína og stinga sér fram fyrir. Hún stýrir boltanum svo laglega í markið.

Eins og ég sagði áðan, þá var ekki mikið að benda til þess að Stjarnan væri að fara að jafna, en þær ná að nýta þessa hornspyrnu vel.

26. mín

Gunnhildur Yrsa með sendingu fyrir en Áslaug Dóra verst vel og kemur boltanum í hornspyrnu.

25. mín

Stjarnan ekki náð að skapa sér neitt af viti eftir að Selfoss komst yfir.

21. mín

Sædís með aukaspyrnu inn á teiginn sem Idun gerir vel í að grípa.

18. mín

Málfríður Erna með ágætis sendingu á bak við vörnina en Heiða Ragney nær ekki til boltans og Selfoss fær markspyrnu.

15. mín

Barbára skoraði fyrsta mark leiksins

14. mín

MARK!

Barbára Sól Gísladóttir (Selfoss)

MARK!!!!! Barbára skorar fyrsta mark leiksins!

Jimena með boltann upp í svæðið vinstra meginn. Eyrún Embla tekur við botlanum og virðist ekki vera í neinum vandræðum, en hún er alltof lengi með boltann og Barbára refsar henni. Hún hrifsar hann Eyrúnu og setur hann yfir Auði sem var komin langt út úr markinu.

Högg fyrir Stjörnuna snemma leiks.

13. mín

Sigríður Theódóra með bolta frá vinstri og finnur Emelíu sem skallar hann áfram í svæðið. Skapar smá hættu, en Málfríður er fyrst í boltann og setur hann til baka á Auði. Sendingin er frekar tæp en Auður nær að koma boltanum frá.

10. mín

Stjarnan fær hornspyrnu sem Gyða Kristín tekur. Beint í hliðarnetið.

8. mín

Hættuleg sending á bak við vörn Selfoss en Sif bjargar með stórkostlegri tæklingu. Hún setur boltann líka í Jasmín áður en hann fer aftur fyrir endamörk og sækir markspyrnuna.

5. mín

Það er athyglisvert að Barbára Sól er að spila í fremstu víglínu hjá Selfossi, hún er fremsti maður liðsins. Hún er vanalega í bakverði eða á kanti.

4. mín

2. mín

1. mín

Leikur hafinn

Þetta er farið af stað!

Fyrir leik

Liðin hafa lokið upphitun og það styttist í að leikurinn fari af stað.

Fyrir leik

Sumarveður! Það er sannkallað sumarveður á Selfossi hér í kvöld. Sólin skín og það eru algjörar toppaðstæður. Það er um 16 gráðu hiti. Um að gera að skella sér á völlinn og njóta veðurblíðunnar.

Fyrir leik

Heil umferð í Bestu deild kvenna í kvöld miðvikudagur 21. júní
17:30 FH - ÍBV (Kaplakriki)
18:00 Selfoss-Stjarnan (JÁVERK-völlurinn)
19:15 Keflavík-Valur (HS Orku völlurinn)
19:15 Breiðablik-Þróttur R. (Kópavogsvöllur)
20:00 Þór/KA-Tindastóll (Þórsvöllur)

Fyrir leik

Það er athyglisvert að hvorugt liðið er með varamarkvörð á bekknum hjá sér.

Fyrir leik

Byrjunarliðin klár Selfoss gerir tvær breytingar frá síðasta leik gegn Þór/KA. Bergrós Ásgeirsdóttir kemur inn í liðið og sömuleiðis kemur Kristrún Rut Antonsdóttir inn í byrjunarlið Selfyssinga.

Það eru þrjár breytingar á liði Stjörnunnar frá síðasta leik. Eyrún Embla Hjartardóttir, Ingibjörg Lúcía Ragnarsdóttir og Gyða Kristín Gunnarsdóttir koma inn í liðið frá síðasta leik. Fyrirliðinn Anna María Baldursdóttir er ekki með vegna veikinda.

Kristrún Rut byrjar hjá Selfossi.

Fyrir leik

Magnús Haukur spáir markaleik Við fengum Magnús Hauk Harðarson, þjálfara Fjölnis, til að spá í leiki umferðarinnar.

Selfoss 2 - 3 Stjarnan
Bjössi þarf að komast á Kótilettuna með liðið í algjöra Stuðlabands stemmingu en síðasti sigur kom 16 maí. Stjörnuliðinu vantar stöðugleika og hafa margir velt fyrir sér hvað sé gangi kvennameginn hjá Stjörnunni. Sú besta úr 112 Jasmín Erla verður stórkostleg í þessum leik skorar tvö og leggur upp eitt í hinu liðinu er það Sigríður Theódóra sem skorar og leggur upp á Emilíu en því miður dugar það ekki til og Kristján Guðmunds fer syngjandi yfir heiðina með þrjú stig í skottinu.

Jasmín Erla Ingadóttir.

Fyrir leik

Bæði lið hafa ollið vonbrigðum Það er óhætt að fullyrða það að bæði þessi lið eru líklega mjög ósátt með uppskeruna hingað til í sumar. Selfoss er á botni deildarinnar með aðeins fjögur stig eftir átta leiki. Stjörnunni var spáð Íslandsmeistaratitlinum fyrir mót en liðið er sem stendur í sjötta sæti með ellefu stig, átta stigum frá toppliði Vals.

Fyrir leik

Verið velkomin Góðan kvöldið og verið velkomin í beina textalýsingu frá leik Selfoss og Stjörnunnar í Bestu deild kvenna. Endilega fylgist með!

Byrjunarlið:

('79)

('87)

('59)

('59)

Varamenn:

('87)

('59)

('59)

('79)

Liðsstjórn:

Gul spjöld:

Rauð spjöld: