SKÝRSLAN: Markaveisla í Fossvoginum
Hvað réði úrslitum?
Stórskemmtilegur leikur á Víkingsvelli í kvöld! Jada Lenise fór á kostum og skoraði þrennu. Grindavík lá aftarlega á vellinum lengst af í leiknum og beittu skyndisóknum. Víkingur spilaði vel í kvöld, sérstaklega í fyrri hálfleik en fengu á sig klaufaleg mörk sem hefði átt að vera hægt að forðast
Bestu leikmenn
1. Jada Lenise Colbert
Jada var frábær í kvöld. Jada er öskufljót og olli varnarlínu Víkings miklum vandræðum. Jada skoraði þrennu í leiknum, og þriðja markið hennar var algjörn snilld. Frábær frammistaða.
2. Nadía Atladóttir
Nadía var allt í öllu fyrir lið Víkings í kvöld. Nadía skoraði tvisvar í leiknum í kvöld, og stafaði alltaf hætta af henni.
Atvikið
Það voru eiginlega tvö stór atvik í leiknum, fyrst þegar að Grindavík hreinsaði af línu en boltinn virtist þó hafa farið innfyrir. Seinna atvikið var þegar að Nadía fór niður í teignum eftir mikið klafs, og virtist hafa verið brotið á henni. Dómarinn dæmdi hins vegar ekki neitt.
Hvað þýða úrslitin?
Þessi úrslit hleypa mikilli spennu í toppbaráttunna í deildinni, þar sem HK er nú einungis þremur stigum á eftir Víkingi og eiga þær einn leik til góða. Grindavík færast upp um eitt sæti eftir jafnteflið í kvöld, og halda þær áfram að pota sér upp deildina.
Vondur dagur
Báðir markmennirnir gerðu mistök sem að leiddu að marki í leiknum í kvöld. það þyrfti þes vegna að segja að þær hafi átt vondan dag.
Dómarinn - 5
Steinar var í brasi í dag. Tvö risastór atriði sem má setja spurningarmerki við og var ekki nógu samkvæmur sjálfum sér.