Sterkt stig fyrir Keflavík gegn toppliðinu staðreynd.
Börðust vel fyrir sínu og áttu stigið skilið frá mínum bæjardyrum séð.

Þessi veisla sem Besta deild kvenna hefur verið í sumar heldur bara áfram að gefa.

Viðtöl og skýrsla væntanleg.

Júlía Ruth í hörkufæri í teig Vals en hittir boltann illa sem fer vel yfir markið.

Fyrirgjöf frá hægri frá Ísabellu Söru en Vera rýkur út og hirðir boltann.

Uppbótartími er að lágmarki fjórar mínútur.

Madison í ágætu færi eftir góðan snúning í teig Vals en skotið framhjá,

Elísa með lúmska skotfyrirgjöf sem að Vera þarf að hafa sig alla við að slá í horn.

Valskonur fá horn.

Eru að bæta verulega í pressu sína.

Valskonur eru að fá víti!

Aníta Lind brýtur á Ásdísi Karen í teignum og Bríet fljót að benda á punktinn.

Mjög lítið um færi þessa stundina, bæði lið að reyna en lítið í gangi.

Ásdís Karen með skot að marki en vel yfir,

Keflavík fær sína fyrstu hornspyrnu og aðra hornspyrnu leiksins samtals.

Valskonur reyna að þræða Ídu Marín í gegn en flaggið á loft.

Áhorfendur á vellinum í kvöld eru 140

Keflavík í allskonar brasi í eigin teig, Vera missir af boltanum. Valskona niður í teignum og köll eftir víti en Bríet er ekki á sama máli.

Eftir allt þetta liggur Aníta Lind í teignum og virðist sárþjáð. Vondar fréttir fyrir Keflavík ef hún er að meiðast.

Rólegt á vellinum þessa stundina, baráttan í fyrirrúmi.

Fyrsta hornspyrna leiksins lítur dagsins ljós. Tók heilar 53 mínútur.

Frábær sprettur upp hægri kantinn endar með skoti sem smellur í þverslánni og ut. Fanney var sigruð en því miður fyrir Dröfn og Keflavík ögn of hátt og sláinn kemur til bjargar.

Heimakonur sparka þessu í gang marki yfir.

Óvænt staða vissulega hér í hálfleik en ég get ekki sagt annað en að hún sé hreinlega sanngjörn. Keflavík fengið hættulegri færi þó Valur hafi verið heldur meira með boltann.

Við fáum að minnsta kosti eina mínútu í uppbótartíma.

Keflavík keyrir upp, Dröfn með skot frá vinstra vítateigshorni en veldur ekki Fanney neinum vandræðum.

Þórdís Elva með skot að marki Keflavíkur en Vera vel staðsett og með þetta allt á hreinu.

Bryndís Arna sleppur í gegn, kolrangstæð reyndar en AD1 klikkar. Kemur ekki að sök Bryndís missir boltann frá sér og Vera hirðir hann upp.

Leikurinn enn svipaður, Valskonur að halda boltanum betur en komast hvorki lönd né strönd.

Keflavíkurliðið hefur spilað þessar fyrstu 25 mínútur virkilega vel og verið að valda Val talsverðum hausverk með sinni spilamennsku.

Þær hafa verið að setja pressu á boltann þegar aftasta lína Vals reynir að spila út og það hefur verið að virka ágætlega.

Madison með áhugaverða tilraun af löngu færi. Alls ekki galin en fer þó framhjá.

Keflavíkurliðið verið nokkuð beitt hér framan af. En Valur heilt yfir sterkara liðið.

Dröfn gerir frábærlega úti á hægri væng, vinnur sinn mann og setur boltann fyrir markið. Linli hikar ekki heldur lætur vaða og boltinn smellur í utanverðri stönginni.

Þórdís Elva með skot að marki Keflavíkur en boltinn framhjá.

Bryndís Arna hársbreidd frá því að sleppa í gegn en Kristún Ýr kemst fyrir og kemur boltanum frá.

Þetta fer rosalega rólega af stað.

Valskonur meira með boltann en hvorugt lið að skapa sér nokkuð.

Það eru gestirnir sem hefja hér leik.

Liðin ganga hér inn á HS Orkuvöllinn og styttist í að leikurinn hefjist. Vonumst að sjálfsögðu eftir skemmtilegum og spennandi leik.

Sextán leiki hafa liðin leikið innbyrðis frá aldamótum. Fimmtán leikjum hefur Valur haft sigur í en einum hefur lokið með jafntefli. Markatalan er svo 97-7 Val í vil. Það má því færa rök fyrir því að tölfræðin hallist í átt að Valssigri í kvöld.

Bríet Bragadóttir er með flautuna hér í Keflavík, henni til aðstoðar eru þeir Ronnarong Wongmahadthai og Tryggvi Elías Hermannsson. Varadómari er svo Twana Khalid Ahmed.

Keflavík situr í sjöunda sæti deildarinnar með 11 stig úr umferðunum átta sem er lokið. Liðið hefur stigið framfaraskref undanfarin ár og virðist vera að ná fótfestu sem Bestu deildar lið eftir að hafa flakkað upp og niður árin á undan. Liðið hefur unnið óvænta sigra á þessu tímabili og lögðu til að mynda lið Þróttar í síðustu umferð.

Valskonur sitja fyrir leikinn í efsta sæti deildarinnar með nítján stig, þremur stigum á undan Breiðablik sem fylgir þeim fast eftir. Breiðablik fær nú í kvöld Þrótt í heimsókn sem situr í þriðja sæti deildarinnar og er sex stigum á eftir Val, fari allt á besta veg fyrir Valskonur gætu þær því setið á toppnum með sex stiga forskot að lokinni þessari umferð.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Keflavíkur og Vals í níundu umferð Bestu deildar kvenna.