Vallaþulur Valsmanna býður gesti velkomna Vallarþulur Valsmanna kynnir liðin.

Styttist í þetta allt smaman.

Gylfi lætur sjá sig! Gylfi Þór Sigurðsson er mættur inn á og er byrjaður að leika sér með Orra Hrafni.

Það er eitthvað við þetta!!

Bæði lið eru komin út til upphitunar Hálftími í leik, Tryggvi og Arnór Smára tóku innilegt Skagamannaknús, fyrrum liðsfélagar úr Val. Gylfi hefur ekki enn látið sjá sig.

Valsmenn eru að bjóða upp á topp umgjörð, matur og drykkir til sölu, það er búið að setja upp sölubás með Gylfa Sig 23 treyjum og það er von á góðri mætingu, maður hreinlega finnur spennuna í loftinu hérna á Hlíðarenda.

Byrjunarliðin eru komin inn Gylfi byrjar á bekknum.

Ágiskun á liðsuppstillingar:

Valur 4-3-3:
Frederik
Birkir, Jakob, Hólmar, Siggi Lár
Aron Jó, Elli Helga, Lúkas Logi
Jónatan, Patrick, Tryggvi Hrafn

ÍA 3-4-3:
Árni Marinó
Marko Vardic, Oliver Stef, JohannesVall
Jón Gísli, Arnór Smára, Guðfinnur, Arnleifur
Albert Hafsteins, Viktor Jóns, Steinar

Viðtal við Gylfa: Guðmundur Aðalsteinn heimsótti Gylfa í dag og tók við hann ítarlegt viðtal. Hægt er að horfa á viðtalið og lesa það hér:

   20.03.2024 14:55

Gylfi í löngu viðtali: Kominn tími á að vera heima í eðlilegu lífi

Jóhann Ingi flautar KSÍ sendir alvöru teymi til leiks á N1-völlinn að Hlíðarenda í kvöld, Jóhann Ingi mun flauta leikinn og honum til halds og trausts verða Andri Vigfússon og Hreinn Magnússon með flöggin, Gunnar Oddur fær svo að sjá um þjálfaratuðið og skiltið, þá verður Hjalti Þór Halldórsson eftirlitsmaður og gefur þessum fjórum áðurnefndu einkunnir fyrir sínar frammistöður, sem vonandi verða góðar!

Sigga Lár leiðist ekki að tuða í dómurunum, þarna tuðar hann í téðum Jóhanni Inga.

Gylfi Sig Eins og öllum er kunnugt um, þá er Gylfi Sigurðsson kominn heim til Íslands og samdi við Val, ég fullyrði að þetta verður hans fyrsti leikur eftir heimkomuna.

Það vantar ekki fréttaúrvalið hér á síðunni varðandi Gylfa undanfarna daga, svo mætti nefna eftirfarandi og hægt er að smella á setningarnar til að opna fréttirnar:

Gylfi verður númer 23, myndband frá Val.
Adam Páls bauð Gylfa númerið sitt.
Myndir frá fyrstu æfingu Gylfa á Íslandi eftir undirskriftina.
Gylfi vonsvikinn með að vera ekki með landsliðinu.
Mikil hitaumræða hefur verið um hvort Gylfi hefði átt að vera í landsliðinu eða ekki.

Innbyrðis viðureignir Liðin hafa mæst 147 sinnum í sögunni í keppnum á vegum KSÍ, í þeim leikjum hafa Valsmenn sigrað 70 leiki, 21 leikur endað með jafntefli og Skagamenn sigrað 56.
Í þessum leikjum hefur Valur skorað 258 mörk og Skagamenn skorað 223, sem gerir 481 mark í 147 leikjum, eða að meðaltali 3,27 mörk í leik, fyrir áhugasama.

Ef við förum svo ofan í saumana á þessari öld þá fækkar leikjum niður í 40, þar sem Valur hefur unnið 24, Skagamenn 12 og 4 jafntefli.

Sigurvegarinn mætir Breiðablik Í hinni undanúrslitaviðureigninni áttust við Þór og Breiðablik þar sem Blikar sigruðu með marki djúpt í uppbótartíma eftir skemmtilegan leik þar sem hart var barist og lítið gefið eftir í Boganum.

Búið er að setja úrslitaleikinn á eftir slétta viku, miðvikudaginn 27. mars. - Verða það Valsmenn eða Skagamenn sem mæta Blikum í úrslitaleik?

Góðan dag kæru lesendur! Og verið velkomin í þráðbeina textalýsingu frá leik Vals og ÍA í undanúrslitum Lengjubikars karla.