Ívar Orri flautar leikinn af og bæði lið taka stig með sér heim. Skýrsla og viðtöl væntanleg.

Eskelinen sest hér niður og heldur utan um bakið sitt

Atli reynir að nýta sér vindinn og skora beint úr hornspyrnunni. Boltinn endar hins vegar út fyrir endamörk vallarins

Atli Sig á skot fyrir utan teig sem Eskelinen ver í horn

Songani kemst hér upp hægri kantinn og á fyrirgjöf sem ratar beint í hendurnar á Guy Smit

Aron Þórður missir boltann á vallarhelmingi KR. Tufa nær boltanum og keyrir í átt að markinu og á skot sem Guy Smit ver í horn

Axel Óskar á langan bolta fram á Eyþór Wöhler sem flikkar honum aftur fyrir sig á Benoný Breka sem er hins vegar rangstæður

Seinni hálfleikurinn var búinn að vera nokkuð rólegur en nú er allt í járnum hér í Vesturbæ

Songani kemst í gegn og Guy Smit kemur út á móti en er seinn í boltann og brýtur á Songani. Rétt dæmt að mínu mati hjá Ívari

Hornspyrnan ratar á Finn Tómas sem skallar boltann í átt að marki en Eskelinen ekki í miklum vandræðum með hann

Benedikt Warén reynir hér skot af 25 metrunum en það fer hátt yfir

Bendikt Warén tekur spyrnuna en ekkert kemur úr henni. KR kemst í skyndihlaup upp völlinn. Luke Rae fær boltann á hægri kantinum og reynir að koma boltanum inn í teig þar sem tveir leikmenn KR bíða en varnarmaður Vestra kemst í boltann

Bendikt Warén á hér skot af vinstri kantinum sem fer einhvern veginn fram hjá öllum varnarmönnum KR en endar í markspyrnu

Songani er sofani í hægri bakverðinum og Aron Sig kemst í gegn og sendir boltann fyrir en enginn er mættur í svæðið.

Vestri fær aukaspyrnu í hættulegri fyrirgjafarstöðu á hægri kantinum. Benedikt arén tekur spyrnuna en ekkert kemur úr henni

Aron Sig reynir hér skot vinstra megin í teignum sem fer yfir markið, lítil hætta í þessu

Theodór Elmar sparkar okkur af stað

KR leiðir sanngjarnt inn í hálfleik. KRingar hafa fengið fleiri færi og verið almennt að ógna meira. Vestramenn hafa hins vegar fengið ágæt tækifæri en hafa ekki náð að skapa sér neitt almennilegt úr því.

Luke Rae og Songoni liggja hér báðir í jörðinni eftir 50/50 bolta

Benoný fær hér boltann fyrir utan teig og reynir skot við D-bogann en Eskelinen ekki í miklum vandræðum með hann

Aron Sig sendir háan bolta inn í teig Vestra sem endar á kollinum á Benoný sem lúrir á fjærstönginni en boltinn fer beint í hendurnar á Eskelinen. Vestri fer síðan í skyndihlaup og uppsker hornspyrnu. KR kemst í skyndihlaup síðan en nær ekki að koma skoti á mark

Benedikt Warén tekur spyrnuna sem endar í veggnum hjá KR. Vestri nær síðan að koma boltanum inn á teig en hann endar loks í höndunum á Guy Smit

Theodór Elmar brýtur á Ibrahimagic á hættulegum stað fyrir utan vítateig KR

Eskelinen er staðinn upp og leikurinn heldur áfram

Luke á hér hörkugóðan sprett upp vinstra vænginn. Hann reynir svo að keyra inn í teiginn og reynir skot sem fer beint í Eskelinen sem liggur eftir í jörðinni. Hér hefði Luke alveg getað sent boltann út í teig þar sem nokkrir KRingar voru mættir

Theodór Elmar á fyrirgjöf af hægri kantinum sem ratar í lappir Ægis sem á skot sem fer í varnarmenn Vestra. Hornspyrnan endar svo í höndunum á Eskelinen

Neffati nær að keyra upp hægri kantinn og á fyrirgjöf inn í teig sem endar hjá Aroni Sig sem á skot beint á Eskelinen

Tarik tekur spyrnuna sem fer í fyrsta mann og berst svo aftur út til hans. Sóknin endar svo með því að Ibrahima Balde missir boltann. Hann vildi fá aukaspyrnu þarna en það var lítið í þessu

Elmar virtist slasa sig eitthvað þegar hann rann til og hann fékk aðhlynningu á vellinum

Boltinn berst til Elmars Atla við miðlínu vallarins sem rennur til í grasinu. Benóný nær boltanum og reynir að keyra í humátt að markinu en Jeppe vel á verði og nær að koma fætinum í skotið sem endar í höndunum á Eskelinen

Smá darraðadans hjá Guy Smit sem ætlar út í teig að handsama bolta sem Songani er á undan í en Smit nær síðan að handsama boltann

Tarik á hér sendingu inn fyrir vörn KRinga úr hálfsvæðinu vinstra megin. Pétur Bjarna er ekki langt frá því að pota tánni í boltann en hann endar í höndunum á Guy Smit

Luke Rae á hér fyrirgjöf á hægri kantinum sem fer yfir allan teiginn

Tarik á fyrirgjöf inn í teig sem Pétur Bjarna skallar fram hjá marki.

Vestri byrjar með boltann og það er Benedikt Warén sem á upphafssparkið

KR í svarthvítu og Vestri í dökkbláu

Nú halda liðin aftur inn í hús til að hlýða á lokaræður þjálfara sinna. Sólin leikur svoleiðis við okkar hér í Vesturbænum en smá hvasst hins vegar.

Gregg Ryder gerir tvær breytingar á byrjunarliði KR frá sigrinum gegn FH í síðustu umferð. Moutaz Neffati og Aron Þórður Albertsson koma inn í byrjunarliðið. Þeir koma í stað Lúkas Magna Magnasonar, sem tekur sér sæti á bekknum og Alex Þórs Haukssonar, sem er utan hóps þar sem hann tekur út leikbann. Davíð Smári gerir sömuleiðis tvær breytingar á liði Vestra frá tapinu gegn Víkingi í síðustu umferð. Vladimir Tufegdzic og Sergine Modou Fall koma inn í byrjunarliðið. Toby King og Gunnar Jónas Hauksson taka sér sæti á bekknum í þeirra stað.

LEIKDAGUR! ????
????Meistaravellir
???? 11:00 Bæjarins beztu pylsur @b_beztu opna vagninn
????14:00 FA Cup
???????? 15:00 Pannan opnar
?????? 15:00+ Battavöllur inn í A-Sal og blöðrutrúður
?16:00 KR-Vestri
???? https://t.co/dajssk1SHh
Hlökkum til að sjá ykkur á eftir - Við erum KR ???????? pic.twitter.com/6h2IMc3moS

— KR Reykjavik FC (@KRreykjavik) May 25, 2024

Fótboltamamman Helga Birkisdóttir spáir í 8. umferð Bestu deildarinnar en synir hennar eru þeir Aron Elí Sævarsson og Birkir Már Sævarsson. KR 1 - 1 Vestri Vestramenn mæta ákveðnir á Meistaravelli en þeir hafa saknað síns besta manns Guðmundar Arnars. KR nær forystunni með marki Axels Óskars en jöfnunarmarkið kemur um miðjan seinni hálfleik frá fyrirliðanum, Elmari Atla.

KRingar skörtuðu glænýjum varabúningi í síðustu umferð gegn FH. Sá er vægast sagt áhugaverður. Held að leikmenn þurfi allavega ekki að hafa áhyggjur af því að sjá ekki liðsfélaga sína. Við munum hins vegar ekki sjá þennan búning í dag, því miður segja sumir.

KSÍ teflir fram öflugu fimm manna liði. Ívar Orri Kristjánsson fer með flautuvöldin hér í dag. Honum til halds og trausts á hliðarlínunni eru þeir Eysteinn Hrafnkelsson og Þórður Arnar Árnason. Jóhann Ingi Jónsson er varadómari og loks er það í höndum Halldórs Breiðfjarðar Jóhannssonar að vera eftirlitsmaður.

Í viðtali eftir 1-2 sigur gegn FH kvaðst Gregg vera afar ánægður með karakterinn í sínu liði. „Ég held að hvernig við vörðumst var eitthvað sem við þurftum í dag. Við þurftum karakter og leikmenn að henda sér fyrir skot. Strákarnir eiga stórt hrós skilið fyrir það hvernig þeir vörðust í seinni hálfleiknum.“

Þótt Vestri hafi tapað 1-4 gegn Víkingi í síðasta leik var Davíð þó nokkuð ánægður með sitt lið í viðtali eftir leik „Að þora að spila, að hafa hugrekkið til að spila og reyna að spila á milli lína gegn besta liði landsins. Það er helst það sem ég tek út úr þessu. Við komum okkur ekki í nægilega góðar stöður á síðasta þriðjungi en við náðum samt að halda helling í boltann. Við komum okkur inn á síðasta þriðjung en náðum ekki að skapa mikið þar. Markið sem við skorum er stórglæsilegt og ég er mjög sáttur með liðið mitt, algjörlega."

Um þessar mundir er KR í 7. sæti deildarinnar með 10 stig. Liðið sigraði FH í síðustu umferð eftir að hafa farið fjóra leiki án sigurs. Vestri er hins vegar í 10. sæti með 6 stig. Liðið hefur tapað síðustu þremur leikjum sínum og eru þeir eflaust hungraðir í stig í dag.

Komið sæl og verið velkomin í beina textalýsingu frá Meistaravöllum þar sem KR fær Vestra í heimsókn í 8. umferð Bestu deildar karla.