Gwendolyn yfirgefur Tindastól - Semja við spænskan varnarmann

Gwendolyn er 25 ára gömul og kemur frá Þýskalandi en hún gekk til liðs við Tindastól fyrir tímabilið síðasta sumar.

Hún er á leið til Þýskalands og mun spila í efstu deild þar í landi. Hún mun yfirgefa Tindastól eftir leik liðsins gegn Stjörnunni á Sauðárkróki í dag.

Gwendolyn hefur komið við sögu í öllum leikjum liðsins í Bestu deildinni í sumar og kom við sögu í 18 leikjum síðasta sumar.

Tindastóll hefur samið við hina spænsku Maria del Mar Mazuecos en hún gerir samning út sumarið. Hún hefur spilað með Europa í næstefstu deild á Spáni.

Hún getur leyst stöðu vinstri bakvarðar og miðvörð.