Við skoruðum eftir tvær mínútur en það var u.þ.b það eina jákvæða sem frá okkur kom í dag. Lið Kósovó var einfaldlega miklu betra á öllum sviðum í dag og ekki hægt að segja annað en sigur þeirra og sætið í B-deild sé fyllilega sanngjarnt. C-deildin bíður svo okkar. Viðbrögð frá mönnum í Murcia munu berast innan skamms.

Stefán Teitur með flotta sendingu þvert yfir völlinn á Bjarka Stein sem er í hlaupinu. Hann tekur boltann niður í teignum en nær ekki að taka hann með sér og færið rennur út í sandinn.

Mínútur sem bætast við þessa bið. Leikmenn á vellinum eru bara að bíða eftir lokaflautinu.

Lífsmark og sóknarlota hjá Íslandi sem vinna tvö horn með stuttu millibili. Ná ekki að gera sér mat úr því.

Skot úr aukaspyrnu frá gestunum. Hákon ver en missir boltann afturfyrir að mati AD1 sem var ekki í línu og sá í gegnum tvær stangir og Hákon til að sjá boltann.

Skot frá Jóni Degi beint í vegginn.

Stefán Teitur tekur við fyrirliðabandinu.

Kristian Hlynsson og Andri Lucas eru að gera sig klára.

Mögulega full bjartsýnn þarna. 30-35 metra færi og boltinn yfir markið.

Einföld skyndisókn liðs Kósóvó sem komast í dauðafæri í teig Íslands. Hákon ver skot Rashica pg lendum við í alvöru basli með að koma boltanum frá. Muriqi í sníkjunni en hittir ekki markið sem betur fer.

Reynir að snúa boltann af um 20 metra færi frá vinstri yfir í hornið fjær. Skotið gott en Amir ver því miður vel í horn.

Fær boltann galopinn í teig Kósovó en er allt of lengi að athafna sig. Varnarmenn nýta sér óákveðni hans og koma sér fyrir skot hans sem fer af varnarmanni í fang Amir í markinu.

Gestirnir rúlla okkur af stað á ný. 45 mínútur til að skera úr um hvort við höldum okkur í B-deild eða föllum í C-deild

Sérfræðingar í setti Stöð 2 Sport yfir leiknum eru langt í frá sáttir við varnarleik Íslands í báðum mörkunum í fyrri hálfleik. Tilviljunarkenndur varnarleikur og varnarmenn alls ekki að lesa leikinn rétt að þeirra mati. Stór atriði sem laga þarf ætli Ísland sér að vera áfram í B-deild.

Kósovó með miklu fleiri marktilraunir! Með boltann: 59% - 41% Marktilraunir: 4-16 Horn: 2-4 Heppnaðar sendingar: 79%-82%

Uppbótartími fyrri hálfleiks í gangi. Þremur mínútum var bætt við.

Bjarki - Stefán - Sverrir - Ísak Svona er varnarlína Íslands. Sverrir eini náttúrulegi varnarmaðurinn í varnarlínunni. Arnar heldur betur að hugsa út fyrir boxið.

Ekki langt frá því að vera sjálfsmark! Boltinn af höfði Willums eftir fyrirgjöf og rétt framhjá íslenska markinu. Kósovó fékk hornspyrnu og átti marktilraun í hliðarnetið eftir hana. Rrahmani með bakfallsspyrnu.

Við mun meira með knöttinn.

Tók skotið við vítateigslínuna eftir skyndisókn Íslands.

Ísland fékk hornspyrnu og skoppaði um teiginn hjá Kósovó áður en honum var komið í burtu.

Albert með aukaspyrnu á miðjum vallarhelmingi Kósovó og sendir inn í teiginn, Orri utarlega í teignum og skallar boltann. Varnarmaður kemst fyrir og hreinsar í innkast.

Góðar fréttir.

Muslija með sendingu inn í teiginn og Rashica leikmaður Kósovó er í dauðafæri en skallar beint á Hákon. Arnór Ingvi liggur eftir í grasinu og þarf aðhlynningu

Albert átti hættulega fyrirgjöf sem Kósovar voru í vandræðum með en náðu á endanum að koma hættunni frá. Rétt á undan átti Þórir Jóhann skot sem fór framhjá.

Eftir öfluga byrjun Íslands þá hafa Kósovómenn verið mun líklegri en við til að skora næsta mark.

Rashica að koma sér í gott færi en Sverrir bjargar með öflugri tæklingu. Kveinkar sér aðeins eftir hana. Var mikið álag á Sverri í fyrri leiknum og Kjartan Henry talar um það í lýsingu á Stöð 2 Sport að hann virki þreytulegur.

Jón Dagur búinn að vera líflegur og skapa hættu, átti frábæra sendingu á Albert áðan sem var nálægt því að koma sér í öflugt færi en fyrsta snertingin sveik hann.

Var tæpur fyrir þennan leik... var hann kannski ekki tilbúinn í þetta eftir allt saman? Er búinn að vera draghaltur í smá tíma.

Ermal Krasniqi með hættulega skottilraun en boltinn fer ofan á þaknetið. Þetta tækifæri kom eftir feilsendingu Ísaks úr vörninni.

Stefán Teitur fundið sig býsna vel í þessu miðvarðahlutverki í upphafi leiks. Kósovó átti hættulega sendingu en hann gerði vel, renndi sér í boltann og bjargaði.

Íslensku stuðningsmennirnir vinna að því að búa til heimavallarstemningu og standa sig vel.

Kósovó aðeins að hnykla vöðvana, Rashica með hættulega sendingu inn í teiginn en Þórir Jóhann mætir og kemur boltanum í horn. Eftir hornið nær Rrahmani skalla en beint á Hákon.

Kósovó með sína fyrstu marktilraun, skalli eftir fyrirgjöf frá vinstri en máttlaus og beint á Hákon í markinu. Rétt á undan fékk Kósovó horn en náði ekkert að skapa úr henni.

Rétt áður en Orri skoraði þá reif Mergim Vojvoda varnarmaður Kósovó fyrirliðabandið af honum. Orri skoraði og fagnaði án bandsins en sótti það svo aftur áður en leikur hófst að nýju.

Svo það sé kristaltært. Ísland heldur boltanum vel hér í byrjun.

Fór smá tími í VAR skoðun eftir markið, verið að skoða mögulegt brot í teignum en markið stendur. Þarnaaaa!!! Lúkkaði eins og varnarmaðurinn hefði krækt löppinni i Sverri Inga og dottið í teignum.

Ísland sækir í átt að Vistabella í fyrri hálfleik.

Sameiginleg spá Sigga og Arons á Sýn: 3-0 sigur Íslands. Jóhann Leeds: 2-1 Ísland, Kósovó vinnur í framlengingu. Ég: 1-0. Ísland vinnur í vító!

Reyndar er ekki sungið með þjóðsöng Kósovó enda enginn texti við lagið. En nú er allt til reiðu. Kósovó í hvítum varatreyjum í dag en Ísland spilar í fagurbláu enda á "heimavelli".

„Við erum með stóran og breiðan hóp og höfum mikla trú á leikmönnum og hópnum," segir Davíð Snorri Jónasson, aðstoðarlandsliðsþjálfari, um þær breytingar sem gerðar hafa verið á byrjunarliði Íslands. Stefán Teitur Þórðarson er við hlið Sverris Inga Ingasonar í hjarta varnarinnar og Ísak Bergmann leikur í bakverði. Ísak í vinstri bakverði „Valgeir Lunddal spilar hægri bakvörð og Ísak vinstri. Hugmyndin er að Stefán stigi á miðjuna þegar við höfum boltann. Stefán er þannig prófíll af leikmanni að við teljum hann geta tekist á við þetta. Við ætlum að sjá hvernig þetta gengur og höfum trú á því að það gangi vel," sagði Davíð í viðtali við Stöð 2 Sport. Hákon gæti komið við sögu Hákon Arnar Haraldsson er ekki í byrjunarliðinu en Davíð segir að hann gæti þó tekið þátt í leiknum. „Hákon hefur verið að jafna sig eftir fyrri leikinn og það tekið smá tíma. Við eigum von á því að hann geti tekið einhvern þátt að einhhverju leyti í kvöld." Davíð er þá spurður út í hvort Jóhann Berg Guðmundsson sé klár í að koma af bekknum? „Heldur betur. Jói er alltaf ferskur og sýndi mikil gæði á æfingum." Búnir undir mögulega vítakeppni Hafa menn sérstaklega búið sig undir að úrslitin gætu ráðist í vítaspyrnukeppni? „Já menn hafa verið að taka víti í vikunni og menn hafa verið að sjá þetta fyrir sér. Að auki hefur verið unnin bakgrunnsvinna og við aflað upplýsinga um þeirra leikmenn og annað," segir Davíð Snorri Jónasson.

Meiðsli að plaga hann en hann er þó skráður á bekkinn.

Aðeins fimm leikmenn sem byrjuðu fyrri leikinn eru í byrjunarliðnu í dag. Aron Einar Gunnarsson, Guðlaugur Victor Pálsson, Hákon Arnar Haraldsson, Logi Tómasson og Mikael Egill Ellertsson fara út. Hákon Rafn Valdimarsson, Ísak Bergmann Jóhannesson, Sverrir Ingi Ingason, Albert Guðmundsson og Orri Steinn Óskarsson halda byrjunarliðssæti sínu. Inn í liðið koma þeir Stefán Teitur Þórðarson, Þórir Jóhann Helgason, Valgeir Lunddal Friðriksson, Arnór Ingvi Traustason, Willum Þór Willumsson og Jón Dagur Þorsteinsson.

Samkvæmt upplýsingum sem við vorum að fá.

Það ætti að vera búið að opinbera byrjunarliðin, venjan er að það sé gert 75 mínútum fyrir leik. Af einhverjum ástæðum hefur það þó ekki verið gert. Ætti að detta inn á næstu mínútum...

Sóknarmaðurinn Orri Steinn Óskarsson segist hafa notið þess í botn að vera fyrirliði Íslands í fyrsta sinn og er fullur tilhlökkunar fyrir því að leiða liðið aftur. „Frábær tilfinning og mikið stolt. Manni leið vel inni á vellinum, þetta hafði ekki mikil áhrif og ég reyni að vera ég sjálfur. Það er mikil virðing og stolt og ég er spenntur fyrir því að gera þetta aftur á morgun (í dag)," sagði Orri á fréttamannafundi þegar hann var spurður út í tilfinninguna að bera bandið. Orri tjáði sig um markið sem hann skoraði í Kósovó og hversu góð tenging er milli hans og Ísaks Bergmanns sem átti sendinguna. „Þetta var frábært mark sem við skoruðum, náðum að tengja saman góðan spilkafla. Svo er gömul tenging milli mín og Ísaks frá FCK þar sem ég þarf ekki einu sinni að kalla á boltann. Hann veit að ég er að taka þetta hlaup." Kósovó vann 2-1 sigur í fyrri leiknum, hvernig er Orri að búast við því að Kósóvar mæti íslenska liðinu í dag? „Ég býst ekki við miklum breytingum. Ég held að þeir verði aggressífir og taki vel á okkur. Við þurfum að vera klárir í það. Ég held að þeir leggist ekkert í skotgrafarnir. Þetta verður góður leikur milli tveggja liða sem vilja vinna," segir Orri Steinn Óskarsson.

Samkvæmt upplýsingum frá KSÍ verða um 1.600 manns á vellinum en þar af eru um 200 stuðningsmenn Kósovó. Hópur frá Tólfunni er mættur til Spánar til að stýra stemningunni meðal íslenskra stuðningsmanna.

Það eru nokkrar mínútur í að byrjunarlið Íslands fyrir leikinn gegn Kósovó verði opinberað. Rétt áðan ræddi Fótbolti.net um landsliðið við Harald Árna Hróðmarsson, þjálfara Grindavíkur. „Það eru spennandi tímar með nýjum þjálfara. Liðið hefur verið í mótun og svo kemur Arnar og snýr þessu svolítið á hvolf. Þetta er mjög spennandi. Þetta er rosalegt púsluspil fyrir Arnar með alla þessa gæðamenn fram á við og á miðsvæðinu," segir Haraldur. „Hann er óútreiknanlegur og líka mjög hugaður. Það kemur manni ekki á óvart ef það verða talsverðar breytingar. Hann sagði fyrir þessa leiki að hann vildi sjá framþróun hjá liðinu frekar en kreista fram úrslit." Haraldur spáir því að ekki þurfi framlengingu eða vítakeppni til að knýja fram úrslit. „Ég hef fulla trú á þessu liði, við erum að spila við sterkan andstæðing en ég sé okkur vinna með tveimur." Sagan segir að Hákon Arnar Haraldsson sé að glíma við meiðsli og verði ekki í liðinu í dag. „Það er súrt en það er allavega skárra þó að leikmaður sem spili stöðu sem við eigum nóg af mönnum í meiðist. Það væri verra ef við hefðum misst einhvern úr vörninni, það er vont að missa Hákon en við getum leyst hann af hólmi. Við eigum nóg af mönnum," segir Haraldur.

Haraldur Árni Hróðmarsson, þjálfari Grindavíkur, er staddur í Murcia og mun fylgjast með landsleik Íslands og Kósovó. Fótbolti.net fékk hann til að rýna í leikinn. Sögur eru í gangi um að Arnar geri talsvert margar breytingar á byrjunarliðinu og þá segir sagan að einn af lykilmönnum liðsins eigi við meiðsli að stríða og spili ekki í kvöld. Vonandi er sú saga röng.

   23.03.2025 15:00

Sögur um margar breytingar á byrjunarliðinu - Hákon meiddur?

Hvernig metur Stefán Teitur Þórðarson möguleika Íslands á að snúa dæminu við og vinna Kósovó? „Bara góða. Mér fannst við sýna það á köflum að við erum mun betra lið en Kósovó. Við sjáum fullt af möguleikum sem við ætlum að fara betur yfir í kvöld," sagði Stefán við Fótbolta.net á föstudaginn. Er það ekki spes tilfinning að vera að fara að spila heimaleik á Spáni? „Þetta eru í raun bara tveir útileikir en við höfum verið á La Finca svæðinu oft og mörgum sinnum, okkur líður mjög vel hérna. Við þurfum að fara með gott hugarfar inn í leikinn á sunnudaginn og stemningin er þannig innan hópsins."

   21.03.2025 21:23

Stefán Teitur: Það var lítið sofið í flugvélinni

„Þetta eru tvö mjög jöfn lið og þeir eru með mjög góða leikmenn, hafa verið að þróa sitt lið undanfarin ár. Við vorum vel inn í þessu í fyrri leiknum og við leggjum upp með það að vinna á sunnudaginn," segir Sverrir Ingi Ingason, varnarmaður íslenska landsliðsins. „Það voru margir mjög góðir punktar í fyrri leiknum en líka margir punktar sem við þurfum að laga, sem er eðlilegt. Við munum fara yfir það á fundum og æfingum." Sverrir segir að það séu margar nýjungar sem Arnar Gunnlaugsson, nýr landsliðsþjálfari, kemur með að borðinu. „Arnar setur miklar kröfur á leikmenn og vill spila nútíma fótbolta, pressa hátt uppi, spila boltanum með jörðinni og við erum með leikmenn í það. Það eru nýir fídusar í þessu hjá okkur og þetta tekur sinn tíma. Eins og sást í fyrri leiknum er öðruvísi uppstilling þegar við sækjum en þegar við verjumst og annað. Við erum enn að læra eins mikið og við getum." „Það er virklega spennandi að fá að taka þátt í svona verkefni. Ég hef verið í landsliðinu í mörg ár og þetta er eitthvað nýtt fyrir mér. Það er gaman að taka þátt í þessu en það er eðlilegt í fyrsta leik að hann sé kaflaskiptur."

Það verður dómari úr efstu hillu sem mun dæma leikinn, Spánverjinn Gil Manzano verður með flautuna.

   21.03.2025 17:17

Stutt að fara fyrir dómarann

   21.03.2025 12:22

Jói Berg kallaður í landsliðið - Gæti spilað sinn 100. landsleik

   22.03.2025 08:45

Valgeir klár í að byrja - „Skemmtilegra að vera aðeins ofar á vellinum“

Velkomin með okkur til Murcia þar sem seinni hlutinn er framundan í einvígi Íslands og Kósovó í umspili um sæti í B-deild Þjóðadeildarinnar. Leikurinn hefst klukkan 17:00 að íslenskum tíma, 18:00 að staðartíma. Eins og lesendur vita þá er Kósovó með 2-1 forystu í einvíginu. Ef Ísland er einu marki yfir í leik dagsins eftir 90 mínútur þá verður framlengt og mögulega farið í vítakeppni. Leikið til þrautar eins og það kallast. Vegna framkvæmda á Laugardalsvelli þá þarf að spila þennan leik utan landsteinana, Murcia á Spáni varð fyrir valinu. Estadio Enrique Roca de Murcia tekur rúmlega 30 þúsund áhorfendur en það er bara búist við um þúsund manns á leikinn.