Ísland tapaði erfiðum leik gegn Kósovó í Þjóðadeildinni í gærkvöldi og mætast þjóðirnar í seinni leiknum á sunnudag. Sá leikur fer fram í Murcia héraði á Spáni.
Tveir byrjunarliðsmenn úr liði Kósovó sem lagði Ísland að velli verða ekki með í leiknum á sunnudaginn, þeir ferðuðust ekki með liðinu til Spánar í dag.
Annar þeirra er Arijanet Muric, markvörður Kósovó og Ipswich Town í ensku úrvalsdeildinni, og heitir hinn Donat Rrudhani, miðjumaður svissneska liðsins Luzern á láni frá Young Boys.
Rrudhani fór af velli í hálfleik í fyrri leiknum en Muric kláraði leikinn á milli stanga heimamanna. Muric átti frábæran leik gegn Strákunum okkar þar sem hann varði sex marktilraunir af þeim sjö sem hæfðu rammann.
???? Off to Murcia ????????#ISLKOS | ???????????????? pic.twitter.com/vlZE6cEeOW
— Kosovan Football ???????? (@kosovanfooty_EN) March 21, 2025
Athugasemdir
