Fjölnismenn eiga einnig tvo leikmenn í liðinu en það eru þeir Þórður Ingason markvörður og miðjumaðurinn Guðmundur Karl Guðmundsson. Fjölnir komst tvívegis yfir gegn bikarmeisturunum og landaði 2-1 sigri.

Fylkismenn fóru til Vestmannaeyja og sóttu stigin þrjú. Varnarmaðurinn Ásgeir Eyþórsson og varnarmiðjumaðurinn Ásgeir Börkur Ásgeirsson voru báðir frábærir í 1-0 útisigri.

Leiknismenn unnu ansi langþráðan sigur þegar þeir lögðu Stjörnuna 1-0 í Breiðholtinu. Nýliðarnir eru komnir upp úr fallsæti en besti maður vallarins í gær var varnarmaðurinn Halldór Kristinn Halldórsson sem skoraði sigurmarkið. Elvar Páll Sigurðsson er kominn á skrið með Leikni og var skeinuhættur í sóknarleiknum.

FH-ingar styrktu stöðu sína á toppnum með 2-1 sigri gegn Val í toppslag. Bjarni Þór Viðarsson hefur átt flotta leiki að undanförnu og hann skoraði sigurmarkið. Þá var Pétur Viðarsson gríðarlega öflugur í vörninni.

Breiðablik vann 4-0 sigur gegn Keflavík sem er límt við botninn. Kristinn Jónsson var maður leiksins og þá sýndi Höskuldur Gunnlaugsson sínar bestu hliðar á ný eftir að hafa stigið upp úr veikindum.

Þá gerðu Víkingur og ÍA 1-1 jafntefli. Maður leiksins var Húsvíkingurinn Hallgrímur Mar Steingrímsson sem hefur stimplað sig inn í Pepsi-deildina með stæl.

Fyrri úrvalslið:
13. umferð
12. umferð
11. umferð
10. umferð
9. umferð
8. umferð
7. umferð
6. umferð
5. umferð
4. umferð
3. umferð
2. umferð
1. umferð