Kristinn Freyr er kominn með áskrift að úrvalsliðinu.
Almarr Ormarsson hefur leikið vel í síðustu leikjum.
Níundu umferð Pepsi-deildarinnar er lokið en leikið var á sunnudag og í gær. Leikmaður umferðarinnar verður opinberaður síðar í dag en fyrst er komið að úrvalsliðinu í boði Domino's.
Víkingarnir Milos Milojevic og Ólafur Þórðarson eru þjálfarar umferðarinnar. Þó Óli hafi verið í banni þegar 2-0 sigur vannst gegn Fjölni þá tók hann að sjálfsögðu virkan þátt í undirbúningnum.
Víkingarnir Milos Milojevic og Ólafur Þórðarson eru þjálfarar umferðarinnar. Þó Óli hafi verið í banni þegar 2-0 sigur vannst gegn Fjölni þá tók hann að sjálfsögðu virkan þátt í undirbúningnum.
Víkingur á einnig tvo leikmenn í liðinu, það eru miðvörðurinn Milos Zickovic og sóknarmaðurinn Rolf Toft sem einmitt skoraði fyrra markið.
Í varnarlínu úrvalsliðsins að þessu sinni ráða miðverðirnir ríkjum! Fjórir miðverðir eru í liðinu. Hafsteinn Briem var bestur hjá ÍBV í 1-1 jafntefli gegn Val, Elfar Freyr Helgason heldur áfram að spila vel fyrir Breiðablik og Kassim Doumba átti miög góðan leik í toppslag FH og Blika en hann skoraði einmitt jöfnunarmark í blálokin.
Skagamenn unnu gríðarlega góðan 4-2 sigur gegn Keflavík og sýndu að þeir geta vel sett inn mörk án Garðars Gunnlaugssonar! Árni Snær Ólafsson átti mjög góðan leik í markinu og Ásgeir Marteinsson skoraði annan deildarleikinn í röð.
Á miðjunni má finna Ásgeir Börk Ásgeirsson sem var maður leiksins í 1-1 jafntefli Fylkis gegn Leikni og í jafntefli Vals og ÍBV var Kristinn Freyr Sigurðsson maður leiksins. Kristinn er í úrvalsliðinu þriðju umferðina í röð!
Almarr Ormarsson og Sören Frederiksen eru fulltrúar KR í liðinu eftir 1-0 útisigur gegn Stjörnunni sem áfram heldur að ströggla. Fleiri KR-ingar bönkuðu á dyrnar, þar á meðal Pálmi Rafn Pálmason.
Fyrri úrvalslið:
8. umferð
7. umferð
6. umferð
5. umferð
4. umferð
3. umferð
2. umferð
1. umferð
Athugasemdir
