Orri Sigurður Ómarsson.
„Það er tekið fáránlega vel á móti okkur hérna. Það er eins og við séum algjörar hetjur," segir Orri Sigurður Ómarsson en hann er í íslenska landsliðshópnum sem tekur þátt í fjögurra þjóða móti í Kína.
Orri Sigurður er einn af sex nýliðum í íslenska hópnum að þessu sinni.
Orri Sigurður er einn af sex nýliðum í íslenska hópnum að þessu sinni.
„Ég stefndi að því að vera valinn í þetta eftir að U21 árs landsliðið kláraðist. Þetta kom á óvart en þetta var það sem ég stefndi að."
Ísland mætir Kína á morgun og leikur síðan um sæti um helgina. Er Orri bjartsýnn á að fá tækifæri í leikjnum?
„Ég vona það en ég veit það ekki. Skiljanlega notar hann leikmenn sem eru með meiri leikreynslu og hafa verið oftar í hópnum. Ef að kallið kemur þá verð ég tilbúinn," sagði Orri.
Óskar Örn Guðbrandsson, fjölmiðlafulltrúi KSÍ, tók viðtalið en það má sjá í heild sinni hér að ofan.
Athugasemdir
