Halldór Orri Björnsson, sem hefur gert garðinn frægan um allan heim fyrir frábært fagn sitt og liðsfélaganna í leik gegn Fylki um daginn, er næstur í áskorun fótboltamanna en Agnar Bragi Magnússon sem fór í tískusýningu með Haffa Haff í síðustu viku skoraði á Halldór Orra að fara í tvöfaldan spray tan.

Halldór Orri mætti svo í tvöfaldan spray tan hjá Maríönnu Pálsdóttur í Laugum í fyrrakvöld og afraksturinn má sjá í myndbandinu hér að ofan, en óhætt er að segja að Halldór Orri hafi tekið smá lit.

Í kjölfarið skoraði Halldór Orri síðan á gamlan félaga sinn úr Stjörnunni, Guðjón Baldvinsson, að fara í plokkun og litum á augabrúnunum, en það ætti að vera athyglisverð sjón.

En endilega kíkið á þetta bráðfyndna myndband að ofan, þar sem sjálfur Ingó í veðurguðunum kemur meira að segja við sögu.