„Mér fannst ég þurfa taka eitt skref afturábak til að starta ferlinum aftur eftir meiðsli og KA bauð mér að koma til þeirra og mér fannst það mjög spennandi verkefni hvernig þeir ætluðu að byggja upp og ég endaði þar. Ég er mjög sáttur," sagði Ásgeir ennfremur, en hann hann samdi um að leika með KA á þessu leiktímabili á láni frá Stabæk í Noregi.

Ásgeir átti virkilega gott sumar fyrir norðan, en hann skoraði átta mörk í sautján leikjum í Inkasso-deildinni með KA í sumar.

„Þetta var eiginlega fullkomið sumar, fyrir utan kannski smá meiðsli hjá mér, en það kemur," sagði Ásgeir, en hann fer núna í það að taka stöðuna.

„Ég er bara að taka stöðuna núna með mínum mönnum og það er allt opið. Ég verð í Pepsi á næsta ári," en þegar hann var spurður út í hvaða lið það væri sem hann myndi spila með, sagðist hann óviss. „Það er ekki ennþá komið, það er að skýrast vonandi bráðum."

Nánar er rætt við þennan efnilega leikmann í spilaranum hér að ofan.