Samkvæmt spænska fjölmiðlinum AS hefur Florentino Perez, forseti Real Madrid, tekið ákvörðun um framtíð Zinedine Zidane.
Franska goðsögnin mun stýra liðinu á næstu leiktíð samkvæmt þessum heimildum en Perez á að hafa tekið þessa ákvörðun í síðustu viku og höfðu úrslit vikunnar í Meistaradeildinni því ekki áhrif á ákvörðunina.
Zidane tók við stjórnartaumunum hjá Real Madrid í janúar á þessu ári þegar Rafa Benitez var rekinn.
Undir stjórn Zidane hefur Real Madrid sett mikla pressu á topplið Barcelona og Atletico Madrid í spænsku úrvalsdeildinni auk þess sem liðið tryggði sér sæti í úrslitum Meistaradeildarinnar í gærkvöldi.
Zidane hefur náð stórstjörnum Madridarliðsins á sitt band og hafa margir leikmenn félagsins talað fallega um Zidane opinberlega.
Athugasemdir