Adda og félagar mæta rússnesku Stjörnunni.
Ásgerður Stefanía Baldursdóttir, fyrirliði Stjörnunnar, er til í slaginn fyrir fyrri leik liðsins gegn WFC Zvezda 2005 í 32-liða úrslitum Meistaradeildar kvenna í Garðabænum í kvöld.
Leikurinn verður í beinni útsendingu á Sport TV, en Stjarnan mætti þessum sömu andstæðingum í 32-liða úrslitunum í fyrra og tapaði þá 5-2 í Garðabænum. Þær ætla sér að gera betur núna.
Leikurinn verður í beinni útsendingu á Sport TV, en Stjarnan mætti þessum sömu andstæðingum í 32-liða úrslitunum í fyrra og tapaði þá 5-2 í Garðabænum. Þær ætla sér að gera betur núna.
„Við erum búnar að tapa tvisvar fyrir rússnesku liði og í þetta skiptið ætlum við okkur áfram. Við vitum hvernig þær spila og það eru litlar breytingar frá því í fyrra, þannig að það er það jákvæða fyrir að hafa fengið þennan drátt," sagði Adda við Fótbolta.net.
Síðast þegar liðin mættust var það í raun bara einn leikmaður. Josée Nahi, sem olli Stjörnunni öllum vandræðunum. Þessi gríðarlega hraði framherji frá Fílabeinsströndinni lék varnarmennina grátt og skoraði þrennu.
„Anna Björk er búin að vera að lyfta vel í allan vetur til að taka á móti henni. Nei, við þurfum að stoppa hana og þurfum líka að stoppa fleiri leikmenn í þessu liði. Þegar við spiluðum útileikinn var hún ekki með og það stigu aðrir leikmenn upp í staðinn," sagði Ásgerður.
Athugasemdir
