Heimir í leiknum gegn Tékklandi.
Íslenska landsliðið æfði í sólinni í Katar í morgun, daginn eftir tapið í vináttulandsleiknum gegn Tékklandi.
Fótbolti.net spjallaði við landsliðsþjálfarann Heimi Hallgrímsson á æfingunni og spurði hvort hann hafi verið sáttur með spilamennskuna í leiknum.
Fótbolti.net spjallaði við landsliðsþjálfarann Heimi Hallgrímsson á æfingunni og spurði hvort hann hafi verið sáttur með spilamennskuna í leiknum.
„Já og nei. Við vissum að þetta yrði erfiður leikur á margan hátt. Við erum að spila mikið á þeim sem höfðu minna spilað áður. Það var enginn tími til undirbúnings, bara ein æfing. Það hefur áhrif þegar þú ert með lið sem byggir á góðri liðssamvinnu og liðsheild. Þegar þú breytir miklu sést það mikið á svoleiðis liði," segir Heimir.
„Við bjuggumst ekki við leiftrandi leik. Tékkar voru með sterkt lið. Leikurinn var erfiður. Það voru líka góðir punktar. Við fengum betri færi en Tékkar, við vorum ekki eins góðir í að klára þau. Ég ætlast til þess að við eigum betri frammistöðu sem lið á móti Katar,"
„Næstu þrjá daga verður æfing eða fundur. Ekki hvoru tveggja. Eftir hádegi í dag hafa menn tíma til að slaka á. Ég held að meirihlutinn af hópnum ætli í golf. Það er hægt að hrista menn saman á annan hátt en á fótboltavellinum eða á fundum. Svo hafa menn verið að spila þetta fræga spil í lobbýinu og þar er mikið hlegið. Menn geta nýtt tímann og slakað á. Þeir sem hafa verið að bera uppi spiltímann okkar eiga að nýta þennan tíma til að hlaða batteríin og nota sjúkraþjálfarana, koma svo ferskir til sinna félaga."
Sjáðu viðtalið í heild í sjónvarpinu hér að ofan.
Athugasemdir
