Sterling hefur verið sjóðheitur á tímabilinu.
Manchester City er tilbúið að ræða við Raheem Sterling um nýjan samning og er félagið viljugt til að gera hann að einum af launahæstu leikmönnum félagsins.
Viðræður munu væntanlega hefjast í febrúar en núgildandi samningur Sterling rennur út sumarið 2020.
Sterling er með um 170 þúsund pund í vikulaun en nýr samningur mun gefa honum að minnsta kosti 50 þúsund pund í viðbót í viku hverri. Með bónusum og öðrum hlunnindum væru laun hans yfir 250 þúsund pundum á viku.
Sterling er að spila sitt besta tímabil á ferlinum, er kominn með 18 mörk. Hann er að endurgjalda Pep Guardiola traustið en spænski stjórinn vildi ekki bjóða Arsenal leikmanninn þegar City reyndi að fá Alexis Sanchez í síðasta sumarglugga.
Kevin De Bruyne er á lokastigi viðræðna um nýjan samning og verður þá launahæsti leikmaður City. Alexis Sanchez fer í sama flokk ef hann kemur frá Arsenal í janúar.
Athugasemdir
