Hörður Björgvin Magnússon spilaði sinn fyrsta landsleik í kvöld þegar Ísland tapaði 3-1 gegn Belgíu í vináttuleik.
Þessi varnarmaður Cesena, sem er á láni frá Juventus, spilaði allan leikinn og stóð sig vel. Hann var ánægður með byrjunina þrátt fyrir tap.
Þessi varnarmaður Cesena, sem er á láni frá Juventus, spilaði allan leikinn og stóð sig vel. Hann var ánægður með byrjunina þrátt fyrir tap.
,,Þetta var bara mjög gaman og náttúrulega mjög erfitt, en gott að fá þetta í reynslubankann," sagði Hörður Björgvin við Fótbolta.net.
,,Þetta var góð frammistaða hjá liðinu og mér fannst ég spila persónulega nokkuð vel."
,,Við fengum nokkur færi í fyrri hálfleik en mér fannst við detta nokkuð niður í seinni. Við fengum nokkur færi þar líka en náðum ekki að nýta þau."
,,Þetta er bara eins og hver annar leikur, þeir eru náttúrulega mjög erfiðir og mjög snöggir. Í seinni hálfleik kom einn stór og fljótur, en ég held ég kunni betur við það. Það var fínt."
Aukaspyrna var dæmd á Hörð Björgvin þegar Eden Hazard fór ansi auðveldlega niður í fyrri hálfleik. Þá fékk Adnan Januzaj dæmda á sig aukaspyrnu fyrir að fara með hendurnar í andlitið á Herði.
,,Ég bara rétt snerti Hazard og hann flaug niður bara. Og Januzaj gaf mér olnbogaskot. Hann sagði að hann hefði ekki gefið mér neitt, hann reif einhvern kjaft þarna. Hann sneri sér við og fór með hendurnar í loftið og fór í andlitið á mér, og ég fór bara beint niður til að fá aukaspyrnuna."
,,Ég held að hann hafi sagt að þetta væri ekkert, "stattu upp" og svona."
Athugasemdir