Jurgen Klopp, stjóri Liverpool, staðfesti á fréttamannafundi nú rétt í þessu að Joel Matip og Jordan Henderson séu báðir klárir í slaginn fyrir leikinn gegn erkifjendunum í Manchester United á sunnudaginn.

Matip hefur verið frá keppni síðan 11. desember en hann æfði í gær og er klár í slaginn.

Henderson spilaði síðast gegn Manchester City á gamlársdag en hann hefur misst af fyrstu leikjum Liverpool á þessu ári.

Henderson æfði í gær og er klár fyrir stórleikinn á sunnudag.

Philippe Coutinho er einnig klár í slaginn en hann kom inn á sem varamaður gegn Southampton í fyrradag eftir að hafa verið fjarri góðu gamni síðan í lok nóvember.